En souvenir de Mary-Ann Both-John

[monica__95]

Lavi enn konba

(Texte: Mary-Ann Both-John; Musique: Gaëtan Abel & Pascal Pereira)

Zordi mo pou rakonté

Lavi enn fam ki krwar dan lamour fidel

Zamé li ti finn pansé ki so menaz pou desiré avek mansonz

So lavi ti kouma enn bouton roz

Zamé li ti krwar dan linfidelité

Si pa ti ena so groses zamé fam la ti pou koné ki li finn kontaminé

Li ti krwar dan so lamour get so linyorans kot inn amenn li

Li pa koné kouma pou fer, li kozé… non!

Rakont mama… non! Mo zanfan mo pou gardé

Monn desidé pou viv pou mo zanfan

Mé pli inportan koz ar dimoun ki konserné

Li fer sanblan li pa konpran, mé pou li fam ki la koz

Fam inn konpran lamour zamé ti ena

Kontaminé pa kontaminé, sé mo zanfan

Lavwa later

(Texte & Musique: Gaëtan Abel)

Lavwa ki pé rezoné dan nou lekor

Pé saryé valer nou later

Li pa pé nwayé dan dekor

Lamizik pou nou li neseser

Son ravann ki nou pé tandé rapel nou listwar nou gran dimoun

Dan lepok soufrans ti maryé li ek zot lavwa

Maravann ki pé fer koustik ar nou lamizik

Montré nou travay ki zot ti pé fer dan enn kwen later

Azordi letan finn sanzé boukou ti zafer ousi finn sanzé

Seki imortel li pou res touzour nou lavwa

Gran fami finn fini alé so zanfan zordi pé pran la relev

Pou kontiyn simé ki li finn trasé lor so later