Eski banne remedes Moriciens efficasse?

[Rocco]

Eski Les Remedes Moriciens Effikace?
A la recherche, mo trouver ki ena bocoup confreres ki croire dans le “unknown” Eski kikenne capave dire moi si ca banne remedes suivant la effikace avant ki mo essayer?
(1) Kand to leve ek malade likou, mette to lorrier dans soleil.
(2) Kand to gaine Dart (Irritation lapo) alle gette enn dimoune pou faire marke li ek enn zeguille nimero 1

(3) Si par mal chance, tone trouve enn lichien tata, crache 7 fois si non to pou gaine bouton lor to lizier.

(4) Si to gaine Exzéma, lave to lipier ek feille lorrier, après all jette banne feille la ek 1 coco ek 7 ti sous dans la croiser.
(5) Zamais donne casse après 6 heure, si non to pou gaine bosse lor la tete, et si to gaine boss lor la tete, mette enn feille Yapana lor li.
.
(6) Si enn dimoune complimente toi lor enn kitchose, alle tire lizier ek Camf
(7) Kand to la gorge faire mal (Laryngitis). Risse to cheveux laho, ou bien mette du sucre lor la manche enn fourchette, mette li enba to lamidal et pousse laho.

( Si to conte zétoile to gaine Poro, si to gaine Poro, frotte tata poule lor la et li pou bien
(9) Si enn fam pa capave gaine zenfant, li besoin alle faire frotte so vente pou li vinn fertile.
(10) Kand to gaine Diarhé, mange du pain grillier pou remplace ca banne fluid perdu la.
(11) Si to cheville finn foulé alle gette ene dimoune pou fere marke li, to pou bien rapidement, to pa besoin mette bandage nennier.

(12) Si enn dimoune gaine crise d’epilepsi, batte li coute balier fatak et li pou bien
(13) Kand to gaine malade zoreille, frire ti lérat rose après mette sa de l’huile la dans to zoreille, li supposer guéri li.

(14) Kand to gaine piké ek mouche jaune ou abeille, frotte zoinion ou l’urine lor la, to pou guéri.


(15) Si ena l’air dans to zoreille, mette enn papier en forme corné dans zoreille la, allume li, kande mem to carabi bruler pourvi l’air la aller.

(16) Si to souffert la cokluche, mette enn colier la grain la cokluche dans to licou, to pou look cool et to pou guéri.


(17) Kand to gaine OK, faire kikenne crier fort dans to zoreille, kande mem li defonce to tambour zoreille, pouvu OK la arretter.
(1 Kand to fume tro bocoup, mange bred songe, li pou netoye to poumon.
(19) Kand to debouche enn bouteille Rum, jette enn tigit sinon to pou étrangler dans to someille.


Si zote ti capave contribuer les zote remedes ki zote conner, ca ti pou bénéficiel pou mo archive. Merci d’avance banne mams.
Si mo banne lartiks derange zote, faire moi conner et mo va arrette écrire.
Rocco

[ZahoOL]

si tone briler met dentrifrice

[carizako]

Zahool to pena actions dan Blendax par hasard toi.

[Nathalia]

Posté par ZahoOL

si tone briler met dentrifrice

Mo Za

Sa aussi superstition sa? :P

To sens de l'humour top Mo Za

si to lipié ine fouler, mette glaçon

[DJ El-Syd]

Posté par Rocco

(2) Kand to gaine Dart (Irritation lapo) alle gette enn dimoune pou faire marke li ek enn zeguille nimero 1

Enn fois kan mo ti tipti mo ti ena darte lor mo lébra mo mama ti faire enn dimunn vinn faire enn passe lor là et apré 2-3 zour darte là ti disparett... et depi sa zamé monn gagne darte...

[DJ El-Syd]

Posté par Rocco

(3) Si par mal chance, tone trouve enn lichien tata, crache 7 fois si non to pou gaine bouton lor to lizier.

Si sirtout enn satt ou enn lisien sote simé devant twa to sipozé crass 7 coup... et aussi si enn lisien pipi devant twa...

[DJ El-Syd]

Posté par Rocco

(10) Kand to gaine Diarhé, mange du pain grillier pou remplace ca banne fluid perdu la.

Sa li normal sa... manz enn ta fibre... Pa fibre de verre kan meme...

[DJ El-Syd]

Posté par Rocco

(14) Kand to gaine piké ek mouche jaune ou abeille, frotte zoinion ou l’urine lor la, to pou guéri.

Weh facile sa... sa travail kuma enn antibiotik...

[DJ El-Syd]

Posté par Rocco

(15) Si ena l’air dans to zoreille, mette enn papier en forme corné dans zoreille la, allume li, kande mem to carabi bruler pourvi l’air la aller.

Weh li normal sa... si éna l'air dan zoreil, kan to brile corné lor zoreil li brile sa l'air ki dan zoreil là aussi...

[DJ El-Syd]

Posté par Rocco

(17) Kand to gaine OK, faire kikenne crier fort dans to zoreille, kande mem li defonce to tambour zoreille, pouvu OK la arretter.

Kan gagne loké... si enn dimunn faire twa gagne enn sok... par example... si enn dimunn dire twa ena disan lor to front, li bien éfikass...

Mais mwa mo habitié dire dimunn là prend enn grand lésouf et garde li andan ziska li né pli capav tini lerlà largué... 99% li marsé...