Radio Moris Sega Music Mauritius Ile Maurice

Radio Moris Sega Music Mauritius Ile Maurice (http://www.radiomoris.com/forum/)
-   Discussions Générales (http://www.radiomoris.com/forum/discussions-generales/)
-   -   Kuma la vie longtemps ti été? (http://www.radiomoris.com/forum/discussions-generales/5136-kuma-la-vie-longtemps-ti-ete.html)

Dev 10/02/2007 17h17

Kuma la vie longtemps ti été?
 
A la demande de mo frero, mo ouvert ene tiposte pour ki ban cam RM vine raconte un peu la vie longtemps. Mo sure Soleil ena beaucoup pou raconté lors la.
Azordi ena cyclone rodrigues ,couma mo ti pé dire mo ti conne lépok cot majorité lacaze ti en tole. Couma cyclone percé, divant baté , to tole coumence envolé. Mo rapel mo ti avek ban camarades , nous ti ena nous marteau , coulu et ti pé aide ban voisins dés qui tole pe coumence volé. C'était un peu dangereux mais pas ti capave trouve dimoune so ban linges pé mouillé kan zot toit fine arraché.
Rechaud zot encore mazine sa lepok la , ene rechaud avec charbons la dans, tout famille fine assizé autour ca pou pas gagne frais.
mo rapelle ene zour mo ti tombe dans rechaud fine mari brulé heureusement ti ena feuille banane pour cicatriser et tire chaleur.
Cyclone cetait ene bon moyen manze farata , carri poule car poule pé galoupe partout dans la cour zot lacaze fine cassé. Eh bien obligé mange zot pena frigider pour garde la viande ....
Rocco mo sure to pé rier pé cause nana là.
Zis ene ti zaffaire mo pas si tant vieux que ca:lol: :lol:
Bon rajoute ene ti boute zot aussi.

Rocco 10/02/2007 17h52

Citation:

Posté par Dev (Message 55899)
A la demande de mo frero, mo ouvert ene tiposte pour ki ban cam RM vine raconte un peu la vie longtemps. Mo sure Soleil ena beaucoup pou raconté lors la.
Azordi ena cyclone rodrigues ,couma mo ti pé dire mo ti conne lépok cot majorité lacaze ti en tole. Couma cyclone percé, divant baté , to tole coumence envolé. Mo rapel mo ti avek ban camarades , nous ti ena nous marteau , coulu et ti pé aide ban voisins dés qui tole pe coumence volé. C'était un peu dangereux mais pas ti capave trouve dimoune so ban linges pé mouillé kan zot toit fine arraché.
Rechaud zot encore mazine sa lepok la , ene rechaud avec charbons la dans, tout famille fine assizé autour ca pou pas gagne frais.
mo rapelle ene zour mo ti tombe dans rechaud fine mari brulé heureusement ti ena feuille banane pour cicatriser et tire chaleur.
Cyclone cetait ene bon moyen manze farata , carri poule car poule pé galoupe partout dans la cour zot lacaze fine cassé. Eh bien obligé mange zot pena frigider pour garde la viande ....
Rocco mo sure to pé rier pé cause nana là.
Zis ene ti zaffaire mo pas si tant vieux que ca:lol: :lol:
Bon rajoute ene ti boute zot aussi.

Merci pou ca thread la Dev et nou pe apprane beaucoup de choses ki ti pe passer kelke temps de cela.
Si nou analise la situation, lepok longtemps pa ti ossi longtemps ke ca. Nou capave considere 1987 comme longtemps car la moderniter fine introduire dans moris apeu pres 8 ans de cela.
Si to visite differents partis de l'ile, ena dimoune encore pe vivre lepok longtemps dans la caze tole, et pou cyclones zote besoin tire zote marto coulous.

Rocco

monica__95 10/02/2007 18h43

Citation:

carri poule car poule pé galoupe partout dans la cour zot lacaze fine cassé. Eh bien obligé mange zot pena frigider pour garde la viande ....
Lollllll sa boute la finn fer mwa bien riyé "poule pé galoupe partout obligé manz zot",mwa mo finn née quelques mois aprés cyclone carole il parait que c'était le plus violent,mo papa ti pé travaille CEB Fort Victoria kan ena cyclone van CEB vinn cherche li amene provision conserve pou la semaine tant ki cyclone pas passer li bisin reste sur place nuit et jour donc nous ti tousel avec mamie kan cyclone pé donne bal dehors nou tous reste dans zip mamie tremblé Mo rappelle enn cyclone sois disant ti finn éloigné de Moris ti ena gros soleil tous dimoun finn sortie dehors pé ramasse tole,branche etc ..... cyclone fer demi tour révini encore pli fort,pou ki pas gagne bann goute delo tombe lor nou ,nou ti attache enn grand nappe en plastique avec barre lili pou fer la tante c t amusant mais pas gagne sommeil trop tapaze kan li vinn avec so gros la pli to tann delo montagne signaux dessan on dirait cascade pont débordé c'était dangereux....enfin ena trop pou raconté

Tabalou 10/02/2007 19h22

Zamais pas pou blier ça Dev et merci to rappelle nou sa banne souvenirs là
ça tapaze tôle ti faire ti faire moi per
dans la case dél'eau partout a kot couler ti mette cuvette.
Moi mo souvenir quand ti besoin quitte la case
aller pas asser solide ti apé faire l'accordéon
impossible avancer ler nou rode nou grandmère
nou ti trouve li dans ti canal lol lol mais ça ti oblize nous tou rier et zisqu'à l'heure dans famille tout dimoune conne sa zistoire là. Moi mo ti lors zépaule mo frère pénarde lol
Carry poule ec farata ti plis bon quand lé temps là ti mauvais.

Rocco 10/02/2007 20h02

Ca lepok la parette serrier terrible, tous voisins aident zote camarades et pres pou recevoir dimounes chez eux dans cas d'urgence. Ti ena ene vrai solidariter
parmi banne morisiens.

Asterela, chakene dans so lacaze beton, kand ena cyclone to tanne dimoune cose KVA, oui zote pe cose zote generateur de 5 KVA+, chakene monte lor so lacaze pou demonte zote parabol et to trouve tous volets monter lor lafnettes. To pa pou trouve zote juska cyclone la fine aller.
Coma la vie in changer hein?

Rocco

Dev 10/02/2007 20h56

Sa poste la fer moi gagne rier , nous rier memenous tou ti dans la peine , merci Momo et Tabalou pour zot paticipation. Momo mo croire cyclone Gervaise ki to pe cozé la car Gervaise ti aussi fort que Carole.
Frero to ena raison 1987 pas aussi vieux mais le temps passé , dimoune sa lepok la ti bien solidaire. mo rapelle Ton Edwin , couma cyclone déclarer prend so ban zenfants et so paquets alle cassiette dans lecole gouvernement (lecole primaire).
Aster nous ban compatriote chacun pour soi et mo chagrin ke beaucoup ban zene pas conne sa lepok solidarité la.

Rocco 10/02/2007 21h16

Dev, mo rapele ki en 1998 telefone portable ti bien rare dans moris, ordinateur ti seulement trouver dans buro, system satelitere pa ti ena. cependant mo pe cose 9 ans de cela
Guette asterla, tou sorte kaliter truc electronik to gagne dans moris.

Rocco

Dev 11/03/2007 16h50

Cyclone ine fini aster nous coumence ene lot item ,l'idépendance.
Ki zot rapelé kan zot ti petit le pok l'idépendance, Sista ti pe cause gateau maspain et coca, moi mo rapelle ti ene grand camion ti vine dans l'école écrire MILO en grand lors la, ti gagne di lait milo chaud chacun ti pe amene so "lamok" sa lepok la, ti gagne gateau aussi et ti change pavillon moris,met pavillon neuf cot nous tous ti pé chante Motherland. Par contre quand mo ti dans college zero gateau et zero la boisson. Allez ban expat raconte un peu

monica__95 12/03/2007 13h23

Citation:

Posté par Dev (Message 57731)
Cyclone ine fini aster nous coumence ene lot item ,l'idépendance.
Ki zot rapelé kan zot ti petit le pok l'idépendance, Sista ti pe cause gateau maspain et coca, moi mo rapelle ti ene grand camion ti vine dans l'école écrire MILO en grand lors la, ti gagne di lait milo chaud chacun ti pe amene so "lamok" sa lepok la, ti gagne gateau aussi et ti change pavillon moris,met pavillon neuf cot nous tous ti pé chante Motherland. Par contre quand mo ti dans college zero gateau et zero la boisson. Allez ban expat raconte un peu

Mwa mo rapele mo 2 premier l'année en primaire ti pé gagne gato limonade mais c t pas "eski" eski pas ti encore existé mo parfum préféré c t "amande vert ou fraise" et mo grand pére avant l'indépandance ti hiss so drapeau Anglais dans la cour et aprés 68 li hiss so drapeau Mauricien:moris:

SISTA 12/03/2007 15h34

hé zot rappel ti ena bann char ti défilé avec plusieurs théme ! chanque secteur ti représenté !


Fuseau horaire GMT. Il est actuellement 04h01.

Édité par : vBulletin® version 3.7.4
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com