Radio Moris Sega Music Mauritius Ile Maurice

Radio Moris Sega Music Mauritius Ile Maurice (http://www.radiomoris.com/forum/)
-   Discussions Générales (http://www.radiomoris.com/forum/discussions-generales/)
-   -   Ki zott pensé lor situation à l'Ile Maurice? (http://www.radiomoris.com/forum/discussions-generales/3697-ki-zott-pense-lor-situation-lile-maurice.html)

miaou 03/05/2006 08h25

Ki zott pensé lor situation à l'Ile Maurice?
 
salut à tous, mo ti envie conn zott opinion concernant situation de l'Ile Maurice...Monn coz ça souvent avc banne camarades ici et sincèrement monn inpé choké par séki zott inn répon...à mon avis la vie pé vinne de plus en plus chèr à Maurice...éna dir moi ki banne dimoune pa envie travail moris zott préfèr boire ki travail...éna lott ki dir ki c acoz nou faire comparaison avc l'argent du pays cott nou été en ce moment et c pr ça ki nou dir ki la vie moris chèr...etc...Vrément d fois monn trouve zéklèr avec zott parceki zott coz grand noir ziss acoz zott dan l'Europe et zott éna ènn la vie meilleur...Mé moi mo dir ki vrément la vie inn vinn bien chèr parceki éna dimoune pa capave permétt zott assté mangé d fois...C'est ènn grand problèm...Et touça c parceki zott pa bien payé ou bien éna pas gagne travaille!! é voilà ki éna tombe dan la boisson!! é pa fini, l'école aussi apparement pé dégradé...surtout banne l'école Primaires...et touça mopé dir parceki mo éna banne ti cousins ki encore l'école...Mo pensé ki touça banne problèm là c du au gouvernement...Gouvernement pa assé financé pou l'éducation et mém pou fèr pays là avancé zott pa donne zott mieu là-dans...Coté alimentation éna beaucoup pou dir...Astèr mo croir bien ki tou coné ki banne meilleur fruits, etc al dans l'hotel pou banne touriste...banne séki Moris coné ça et souvent passé banne réportages ki montré ça...Enfin kan mo ti moris monn trouvé et astèr pa coné...Ou bien zott préfèr exporte banne meilleur alimentation pou soidisant renforce l'économie...Banne gouvernement zott préfèr rempli zott poche plitot...Sinon voilà...mo espéré ki pou éna beaucoup dimoune ki pou vinn continié ça dialogue là...et si zott envi capave azouté, critiké aussi...Monn donn bann infos plutot en général et si éna envi approfondi pour meilleur encore...
kiss à tous

Rocco 03/05/2006 09h53

Miaou, mo d'accord avec toi lor certain points mais pas entierement. Moriciens pa capave lek fier juste gouvernment pou ammeliore so la vie, li besoin aide li meme avant ki les autres aident li. Beaucoup tomme dans la boisson pa par ene besoin mais par vice, to ena raison ki beaucoup na pa ouler travail, zote lek rode la monaie facile.
"La vie cher a moris" ca nou capave interprete li dans plusieur facons, en compareson avec les autres pays, la vie bien bomarcher a moris. Par example, combien moriciens (ex pat) saisi l'occasion pou ashter linge, trainers etc kand zote a morice. To capave ashter 1 pr jeans pou 7 euros, 1 Tshirt pou 1 euro, 1 pr trainers pou 7 euros, 1 CD pou 3 euros etc. to capave dejeune dans coin la rue pou 1 euro. Ca banne l'examples mo pe donne toi.
Ki faire moriciens trouve la vie chere? parceki bocoup na pa conne faire zote budget coma besoin, zote pou concentrer lor banne truc electroniques enplace ki zote gette zote besoin personel.
Tam tam passe avant tou, rom fine remplacer par whisky, picnic bor la mer fine remplacer par louer campement, voyage dans bus fine remplacer par servi taxi ou Brown taxi, MBC fine remplacer par chaines paraboliques, cose ek to voisins par barage fine remplacer par appel portables, du riz ordinaire fine remplacer par Basmati etc. Mo pa dire ki moricien la pa gagne droit jouir ca banne lux la, mo to besoin gette to poche avant.
Banne anglais potiss appel ca "Keep up with the Joneses".

System l'education, tou moriciens ena meme droit a l'education, alors ki faire ena reussi kand les zote failli? beaucoup parents moriciens besoin apprane zote role parents avant ki zote montrer zote zenfants. Kand ene zenfant na pa reussi dans lecole, li pou trouve la vie dure pou li et la meme ki delinkance commencer.

Fruits et legumes 1er classe exporter ou alle dans l'hotels, ca C vrai, mais ki senena ki encourage ca? tou dimoune astere vanne zote zarbe fruitiers pou l'exportation, longtemps to visite famille to ti capave gagne 2-3 fruits pou manger, astere zote dire toi ki pied la fini vender.

Beaucoup mauriciens vivrent sans visions, zote vivrent du jour a lendemain.
Le problem avec la pauvrete a maurice C pa fine ena ene transition dans tizil. La vie moderne fine rente moris trop vie avec ca banne trucs electronique la, tou les 6 mois ene moriciens change so portables et tou les 2 ans li change so ordinateur.

Ca C mo l'opinion et temoiniage.

Rocco










miaou 03/05/2006 11h34

Mais ess ki to croir ki si ènn dimoune péna moyen lipou capave amélior so la vie?

Rocco 03/05/2006 11h43

Citation:

Posté par miaou
Mais ess ki to croir ki si ènn dimoune péna moyen lipou capave amélior so la vie?

Miaou pou amelior to la vie to besoin ena moyen, pou ena moyen to besoin bosser et pa attane tou vine devant toi.
Coma mo fine dire, ca C mo l'opinion.

Rocco

miaou 03/05/2006 11h46

Citation:

Posté par Rocco
Miaou pou amelior to la vie to besoin ena moyen, pou ena moyen to besoin bosser et pa attane tou vine devant toi.
Coma mo fine dire, ca C mo l'opinion.

Rocco

oui mé mo pa pé laguèr moi attention to al croir ça...Sinon mo ti pé rode dir..si travail pa pé offer ou si pa paye bien couma possible amélior to la vie...

miaou 03/05/2006 11h47

Citation:

Posté par Rocco
Miaou pou amelior to la vie to besoin ena moyen, pou ena moyen to besoin bosser et pa attane tou vine devant toi.
Coma mo fine dire, ca C mo l'opinion.

Rocco

Mo d'accord ki bizin bossé..li normal ça..

Rocco 03/05/2006 14h54

Citation:

Posté par miaou
oui mé mo pa pé laguèr moi attention to al croir ça...Sinon mo ti pé rode dir..si travail pa pé offer ou si pa paye bien couma possible amélior to la vie...

Miaou, mo esperer ki nou na pa pe rentre dans ene duel, ha ha ha, Travail ena par tonne, mo donne toi ene l'example, na pa mank travail dans domaine de construction, mais les Lundi tou banne travailleurs absent et zote gagne bien l'argent, zote pa paye Tax coma dans les autres pays.
Si to ouler cone l'ampleur du problem sociale, lek alle la vente Mamouth, to pou trouve tou ca banne l'artick seconde main ki finn saisi acose dimoune na pa capave payer.
Le problem vine de structuration fiscal, trop bocoup dimoune gagne cash dans la main O lieu de la banque. To meme to conner, si to ena cash zordi, to dire to pou paye credit demain et demain la jamais vini ca.

Rocco

monica__95 03/05/2006 16h19

Citation:

Posté par Rocco
cose ek to voisins par barage fine remplacer par appel portables

Rocco









:lol: pas trop d'accord avec twa sa pas finn changé !!! c ki mo apprécié le plus cause avec voisin par barage ale demane impé feuille cari poulé etc etc enfin tou prétexte bon pou ale discute impé avec voisin voisine(fer impé palabre):lol: dé fois pou pas dérangé passe enn ti coup de tel.....

monica__95 03/05/2006 16h53

Citation:

Posté par Rocco
Miaou, mo d'accord avec toi lor certain points mais pas entierement.

System l'education, tou moriciens ena meme droit a l'education, alors ki faire ena reussi kand les zote failli?

Rocco









to pou gagne réponse de ceux ki failli dans to thread "mo ena 10 ans et mo ale l'école loin ":?:
http://www.radiomoris.com/forum/showthread.php?t=3589

salmi tang 03/05/2006 17h40

Citation:

Posté par monica__95
:lol: pas trop d'accord avec twa sa pas finn changé !!! c ki mo apprécié le plus cause avec voisin par barage ale demane impé feuille cari poulé etc etc enfin tou prétexte bon pou ale discute impé avec voisin voisine(fer impé palabre):lol: dé fois pou pas dérangé passe enn ti coup de tel.....

mo d'accord ek toi monica parce ki nou ki pé reste l'europe nou pa osé al guette nou voisin pou dimane li kikchose, moi mo konten moris mais c vrai ki la vie in vinn cher pou bann dimoune ki reste la bas , mo pas pé cose bann privilégié, mo pé cose pep ki bizin travail pou donne manzé so fami.


Fuseau horaire GMT. Il est actuellement 03h52.

Édité par : vBulletin® version 3.7.4
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com