Radio Moris Sega Music Mauritius Ile Maurice

Radio Moris Sega Music Mauritius Ile Maurice (http://www.radiomoris.com/forum/)
-   Discussions Générales (http://www.radiomoris.com/forum/discussions-generales/)
-   -   Une visite memorable (http://www.radiomoris.com/forum/discussions-generales/3677-une-visite-memorable.html)

Rocco 25/04/2006 10h44

Une visite memorable
 
De temps à autre nou alle passe ene ti vacance dans ene pays étranger pou découvert coutumes banne habitants la et banne places intéressant pou visiter. Alors raconte nou inpé ki place tone visité ki to fine garde comme ene grand souvenir de to voyage.

Pendant ene vacance à Majorca, l’hotel tine arrange ene excursion pou visite une grotte/cave “La Cueva Del Drach” sur la cote de Porto Cristo. Mo bien recommande ca excursion la pou nimporte ki senena ki alle Majorca. Les autorités espagnoles fine bien develope ca la cave la pou conserve so originalité, tou banne lumières bien encastrées dans les rochets, et banne majestueuse stalactites et stalagmites sont vraiment impréssionnante.

Ena 250 marches pou dessane enba cote to arrive obord ene lac souterrain, toute otour lac la ena banne chaises coma dire dans ene théâtre . La, tous visiteurs assiser, la lumière sombrée juska fair noir et ene silence frissonnant. Soudain to tanne la musique commence jouer et to trouve banne flanbeaux apparaite de loin lor lac la. Graduellement to trouve banne flambeaux approchent vers toi. Lerela to réaliser ki la musique la vine des musiciens ki pé jouer lor banne gondoles. Zotte jouer devant toi pou ene demi heure etpuis zote disparaite graduellement parmi les rochets. La lumière réallumer, après banne gondoles prend toi pou ene lotte chemin sorti.

Kand to dans ca la grotte la, to na pa réaliser ki to pé vivre dans vingtième siècle, to demanne toi coma ca la cave la ti été avant l’intervention de l’homme. To na pa gagne droit tire foto ou filmer dedans mais toujours ena ki tricher avec zote portables ou Ipods.
Le temps to remonte à la surface to senti toi dans ene lote monde avec tou ca pollution sonere, vehicles et banne mouvements la.

Allez, raconte nou to visite innoubliable.

Rocco


Fuseau horaire GMT. Il est actuellement 20h13.

Édité par : vBulletin® version 3.7.4
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com