Radio Moris Sega Music Mauritius Ile Maurice

Radio Moris Sega Music Mauritius Ile Maurice (http://www.radiomoris.com/forum/)
-   Discussions Générales (http://www.radiomoris.com/forum/discussions-generales/)
-   -   Un Jour Dans Ma Vie. (http://www.radiomoris.com/forum/discussions-generales/2999-un-jour-dans-ma-vie.html)

Rocco 14/11/2005 16h35

Un Jour Dans Ma Vie.
 
UN JOUR DANS MA VIE.
Nou fine connais ki college to ti frekanté, nou connais kot to ti resté dans tizil, nou connais ki to content et ki to pa content manger, to fine dire nous ki to profession et enfin nou conne un peu de tou de toi. Asterela nou ti a content conner ene jour typik de ta vie kotidienne.
Ki to faire depuis to reveillé le matin juska to alle coucher le soir.

Moi mo lever tou les jour vers 7.00 am, mo faire ene ti toilette epuis mo alle faire ene ti jogging de 30 minutes. Mo retourne dans mon apart vers 7,45, mo prend ene douche epuis mo prend mo café avec du pain ou croissant. Mo donne mo 2 pérokés et mes poissons manger, mo check mo emails et reponne si necessaire, après mo alle travail 8.30 am.
L’aprèsmidi mo rente chez moi vers 17.30, casse linge et mo alle gym avec mes potes, retourne la caze vers 19.00hr, prend ene douche, getter ki ena dans frigo pou manger ou prend take away. Casse ene pose avec banne copins, rente un peu lor internet, faire 2,3 apeles telefonik et SMS.
Jouer ene bon ti game scrabbles ou carte(Boka), gette un peu l’information CNN, un peu de Discovery, ecrire ene ti blague et en dernier vers 1hr ou 2hr lerla mo alle coucher.
To trouver? Mo jour bien simple, asterela raconte moi pou toi.

Merci.

Rocco:lol: :lol: :lol:

_phi_ 17/11/2005 16h25

La zournee racine
 
8am - coq santer, mo lever, mo touille le coq et voila le petit dejeuner
8am-9am - douche, pipi etc, check email pour boulot, habiller apres rasse pour boulot
9am-9pm - boulot fini, rasse alle tabagie pres kot lacaze
9pm-10pm - diner la bas meme, ene ti la biere, coz un peu n'importe ou bcp meme des fois
10pm-12pm - boulot conference,
12pm-2am - TV, coze r ene ti mamzelle,dodo

la vie de racine
est malheureusement tres routine

Tiwomi 17/11/2005 19h29

Salut !

Une journée de Tiwomi, à quoi ça ressemble ? Franchement, incapable de dire tellement c'est aléatoire entre l'école, l'entreprise et le temps libre ...

Faudrait passer une journée avec moi pour voir ce que ça pourrait être. En gros, rien d'exceptionnel ...

Je me ferai prochainement un récapitulatif d'une journée et je la mettrais sur le forum histoire de rire ;)

A bientôt

bomli 17/11/2005 19h49

mo coumance par ene bon douche...Frotté frotté mama !! koné kouma bomli pi !!:mrgreen: Bon ca 6hr30 di matin, après habillé, rasse alle boulot !
Rentre lacaze vers 5hr tanto, fini pointe pou alle check mail, casse ene poze, relaxe, cuit nana,ou bien alle shop ene coute, ensuite mo atane mo gaté rentré ! Apré diné, nou monte dan la same, lerla nou coumance dézabiyé...Taaaaaaaaaaaaaaaa gros malélevééééééé !!!!:mrgreen: béze are toi rocco !!:lol:

Rocco 17/11/2005 21h35

Hey Bomli ala ene ti boute mo tine ecrire lor to banne kamarades, sans offence.
/04/2005, 20h37
Rocco http://dev.radiomoris.com/forum/imag...er_offline.gif vbmenu_register("postmenu_15697", true);
Foreman
Date d'inscription: August 2004
Localisation: London UK
Messages: 340
http://dev.radiomoris.com/forum/imag...c/im_yahoo.gif

Mo premier voyage lor avion vers l'europe!!!
Mo premier voyage lor avion!!!
Lere mo ti éna 19 ans, mo ti pé prepare moi pou alle Londre pour la première fois, mo rapelle mone tine reussi force mo ti costume premiére communion lor moi pou mo look cool. Vers 4 heures tanto, banne transport tine vini, bus, camion, van, biciclette, mobilette ek patinette pou mo 69 fami escorte moi l’aeroport Plaisance. Létemp nou arrive Plaisance, zote donne moi enn serviette pou souille mo larme ek plusure sack plastic ki pou distribuer are plusure fami dans Langletere. Mais mo ti remarké ki mo touseul ti pé verse larme tandis ki les zote ti apé rié et content. Ki fere ca? Eski zote ti pé content pou débarasse moi? Oubien zote façon ki zote exprime zote chagrin ki Rocco pé kitte zote?

Enfin vers 6 heure, mo enbrasse tous ca larmé la pou mo kitte zote, mo la leve finn plissé, likou inn gaine tortikoli ek zépol finn cambré. Mo kitte zote, letemp mo arrive pli devant, mo vire derriere pou getter comma dans film, mo trouve zote tou pé rié et pé tappe la main. Mo croire si zote ti capave, zote ti pou tire petards telma zote chagrin ki mo pé kitte zote. Mo arrive pli devant, mo passe mo la mal ek mo 18 sack plastic dans Rayon X, soudain, alarme sonné et machine la blocké, Sékirité vinn getté, zote dire moi ki de l’huile zachard ek l’odeure bomli finn blok machine la. Zote dire moi jette banne bomli la, mo pas jetter, mo prend zote mo mette dans tou mo banne poches, mo ramasse mo la mal ek mo grappe sac plastic pou mo alle check in. Le temps mo arrive lor contoire, mamzel la bouche so néné ek enn mouchoire, mo pas conner ki fere!!! Li dire moi mark mo nom lor mo la mal, hereusement mo ti éna enn la craie dans mo poche, comma mo fini marke mo noms, li dire moi aller vite vite. Mo aller, mo rente dans avion Air Malicious ek mo 18 sac plastic, sa cou la mo trouve banne controleures avion la ki bouche zote néné are mouchoire. Mo croire ca jour la, zote tou ti are la gripe, enfin mone met 2-3 sac plastic dans la caze pigeon lor mo la tete ek les zote enba mo siege ek lor mo la cuisse. Mo assizé et mo trouve tou banne passager finn attache zote are sangg. Mo pa attache pou moi en ka ki avion crazer mo capave sotter. Controlleur vine are moi et li force moi pou attache mo sangg, en mem temp mo dire li “ controlleur eski ou capave done moi enn parachute en ka ki avion gaine panne dans lair?” li dire moi, “premiérement mo pa enn controlleur, mo enn hotesse de lair, et deziemement nou pa donne parachute dans avion.” Mo dire li ki arriver si avion gaine panne dans lair, li dire moi “ prier tou bondié ki ou conner.” Épuis li allé.
La, mo assizé et mo commence touche tou boutons ki mo trouvé. Mo pese enn bouton, mo siege allonge à l’arrière, mo dire correct, mo casse enn pose et mo gaine enn ti someile. Controlleur la leve moi et li dire moi dress mo siege ziska avion la décollé, le temp mo gette toute lelong tour moi, mo trouve tou passagers finn kitte zote siege et zote pé deboute par derrière comma dans bus Rose Hill transport, et ti mama plitard controlleur vini et li commence spray cote moi ek parfum, mo demanne li ki faire? Li dire moi “Bomli Rocco” enfin mo pas dire nenrien cose mone gaine 8 siege pou mo tousel ziska Langleterre. Mo déssane dans Londres, mo rente dans enn Wimpy pou mo manger, zote donne moi couto, fourchette ek couillere, mo gette ca banne zouti la, mo dire la, ki mo pou faire are ca kand bondié finn donne moi enn la main droite pou manger. Enfin mo dire “Rocco, look cool man” mo prend enn le Coeur mo ésseil couto ek fourchette, Comma mo pik enn pomme frite ek fourchette, li sotté et li baise enn Anglais direct dans so figire, li lévé et li vinn direct vers moi, comma li cossté are moi, mo trouve li récullé et bouche sa néné are mouchoire. Mo dire “enn douk ca, ziska Londres ossi zote gaine la grippe.”
Enfin mes amis, mo termine la mem cose éna trop bocoup pou racconter.
Merci et à la prochaine.
Rocco.
http://pagead2.googlesyndication.com...=9&u_java=true


Google


monica__95 18/11/2005 13h16

Citation:

Posté par _phi_
8am - coq santer, mo lever, mo touille le coq et voila le petit dejeuner

lol ,mo pas fine comprend to touille le coq et to mange li au petit déjeuner


Fuseau horaire GMT. Il est actuellement 08h12.

Édité par : vBulletin® version 3.7.4
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com