DEUX BLAGUES POUR LE WEEKEND!!! - Radio Moris Sega Music Mauritius Ile Maurice

Précédent   Radio Moris Sega Music Mauritius Ile Maurice > Discussions > Discussions Générales

Réponse
 
Outils de la discussion Modes d'affichage
  #1 (permalink)  
Vieux 13/05/2005, 21h55
Super Fan RM
 
Date d'inscription: août 2004
Localisation: London UK
Messages: 3 908
Envoyer un message via Yahoo à Rocco
DEUX BLAGUES POUR LE WEEKEND!!!

2BLAGUES POUR LE WEEKEND:
Ti Jean,
Ki senena pa fine deja tanne zistoire Ti Jean?
Ouais ti ena enn madame dans enn ti village ki ti bien genereuse et tou villageois ti appel li lévantaille. Tou les jour comment so mari alle travail, la dam invite banne mecs du village pou passe enn bon moment avec li. Et a chak fois ki enn mec visite li, Li donne Ti Jean enn corné pishtache, enn ti bouteil boisson gazeuse, enn ti revu comik et li ferme li dans larmoire. Enn jour en pleine séance so mari retourne la caze innatendu, li degagé remette li en ordre, pousse le mec dans larmoire et ferme li. Ca cou la Ti Jean gette tou ca cinema la, li dire messieur la “ Ou dans enn sal pétrin mon potte, a moin ou conné maintenant comma mo senti moi fermé dans ca larmoir la a chak fois ou visite mami!” Lome dire “shhhhh” Ti Jean dire li, “mo papi dehor la, mo sure si mo demane ou 1€ la, ou pou donne moi 5€ pou ferme mo la bouche! Mais mo pas enn extortionist moi, mo pou faire enn deal are ou, ou trouve ca vier batte pingpong la, ou oulé acheter li?” Lome demane li combien, Ti Jean dire li 50€, avec repugnance, lome baisse enba tire 100€ dans so poche canson, donne li Ti Jean et dire li garde lechange.
5 minutes pli tard, papa Ti Jean rente dans so loto et retourne travail. Lome sorti dans larmoir, lekere batte fort fort et palpité comma dire li fek fere 3 le tour Champ de Mars. Li termine so boulot cot li ti kitté et li allé ensuite. Ti Jean sorti dans larmoir bien content mais li pa dire so mami ki transaction li fine fere anedans larmoire.

Semaine ensuite meme zafaire arrivé encore, papa Ti Jean retourne la caze a linprovice. Ti Jean toujour dans so larmoire et lome rente dans larmoir juste en sochette ek so linge enba les bras. Ti Jean gette li pendant 5 minutes et lome fere semblant li gette laho, Ti Jean dire li “ki maniere ou gourma coumsa, sa movaise habitude la pou coute ou très mon pote” Lome dire li “sshhhhh” Ti Jean dire li “ou trouve ca vier filet pingpong la, ou oulé acheter li?” Lome demane li combien, Ti Jean dire li 100€, lome dire 100€???? Ti Jean dire li “abé faire li 150€ alors” lome tire 100€ donne Ti Jean pou ferme so la bouche. 5 minutes plu tard papa Ti Jean rente dans so loto pou retourne travail. Lome sorti dans larmoire recontinué so business épuis li allé.

Samedi matin, papa Ti Jean dire Ti Jean dress la table pingpong pou jouer enn game, Ti Jean dire so papa ki zote pa pou capave jouer pingpong parceki li fine vane batte la ek filet pingpong la. So papa dire “ki ca fou ki pou achter ca vier batte la ek ca vier filet pingpong la avec toi? Combien to fine gané are ca?” Ti Jean dire “200€ papi” So papa dire li “ca meme ki appel extortion mo garcon, to pas honté, depi to pé frékante Ti Rocco lote coté mo trouve toi fine changé bocou.Demain mo oulé ki to alle confesser et dire mon pere comma to fine cokin dimoune.”

Dimanche matin après la messe, Ti Jean alle confessé, comma li rente dans confessional, mon pere dire li “ Pa croire ki to pou vane kite chose are moi encore la, espece ti voleur, to pa honté to fine vane ca vier batte la ek ca vier filet la are moi pou 200€. Pou ca vol la, to besoin faire 100 je vous salut Marie.”

Ti Jean dire li “mo pou faire juste 10 Je vous salut Marie si non mo pou dire mo papi ki senena ki fine acheté banne lekipment la.”
Mon pere dire li “Tone gagné encore, escepesse ti demon.”

Rocco le hèro!!!
Tou les Vendredi tanto mo ti habitué alle cherche la kuenne, ronion ek lézo cote enn boucher pou nou repas Dimanche. Enn Vendredi mo allé et mo trouve enn lote boucher, mo demane li cote mo boucher regulier été? Li dire moi ki li fine fere enn accident grave et ki li fine sote so poignet gauche dans travail. Mo retourne la caze bredouille et mo dire maman la mauvaise nouvelle. Li dire moi alle visite li lopital, mo allé pou partage mo chagrin, enfin li bien content ki mo fine visite li. Mais li ti parette déprimé cose la perte de so la main gauche.
Enn jour mo pé chacké dans Port Louis, mo trouve enn la foule fine ralié devant La Munispalité. Monsieur Jean Louis comme je suis, mo dire mo alle getté, mo trouve mo boucher fine monte nette laho et li pé rode jette so le corps. La police ek pompier pé cose are li dans haut parleure et li pa oulé déssane. Mo dire la police ki mo mamou ca et laisse mo alle cose are li pou convaincre li pou pa jette so le corps. La police la dire moi correct, li mette moi dans panier caleche pompier la, et zote leve moi laho. Comma boucher la trouve moi, li dire moi “Ti Rocco, ki to fere la? To encore gagne to la kuenne ek to ronion la boucherie la?” mo dire li “non, cose ca meme mo fine vine gette ou,” Mo demane li ki li pé faire la? Li dire moi “ depi mo accident et ki mo fine perdi enn la main, mo fine plein avec la vie et aujourd’hui mo pou termine tou.” Mo dire li pa faire coumca “ Pense ou fami inpé, gette tou ca dimoune enba la” Le temps nou gette enba, nou trouve en lome sans les bras pé dancé dans la foule. Mo dire li “Ou trouver la, gette ca bougre enba sans les bras la, gette comma joyeux et li pé dancé, ou, ou fine perdi enn la main selma et ou pé rode fini ou la vie.” Mo dire li “Getter, anou déssanne enba, nou demane bougre la pou ki raison li pé dancé kante meme li na pé so 2 les bras, et si ou pa satifait ek so réponse, mo promette ou ki nou rémonte laho et moi ki pou pousse ou.” Li dire moi “ Ti Rocco, mo pa conné ki mo pou faire sans toi béta, allé right alors, nou déssane, mais to sire ki to pou pousse moi après?” Mo dire li “ Why fear when Rocco is here.”

Mo aide li rente dans panier la, nou déssane et tou dimoune commence tappe la main, Mo deboute comma enn chef d’orkeste dans panier la, mo carte mo 2 la main pou arête la foule applodi. Enn timama enn silence terib, mais ca bougre sans les bras la continué danser. Coma nou arrive enba, nou alle direct lor ca bougre sans les bras la et mo dire li Comment ce fait-il ki li na péna les bras et ki li pé dancé coumsa? Li dire nou “ Ki senena dire zote ki mo pé dancé? Depi gramatin mo derriere pé graté et mo pas gagne persone pou grate li pou moi, ou croire li facile pou vivre ek enn derriere graté sans les bras?”
La police lek cokin boucher la et mette li dans van.
Voila comma mo fine gagne ca titre héro la par servi mo coco la.

Rocco.
Réponse avec citation
Google
  #2 (permalink)  
Vieux 14/05/2005, 02h00
Avatar de Zaa
Zaa Zaa est déconnecté
Fan RM
 
Date d'inscription: mars 2005
Localisation: Dublin-Ireland
Messages: 607
taaaaaa Rocco!!!!!
mari bon sa garson!
merciiiii nou gato coco!
Réponse avec citation
  #3 (permalink)  
Vieux 14/05/2005, 11h00
Avatar de Nathalia
Fan RM
 
Date d'inscription: juillet 2004
Localisation: Studio 2, Radiomoris
Messages: 1 356
Merci Rocco

Wow Rocco, trop cool et trop marrantes tes histoires! Tu sais quoi? Je pense que tu devrais en faire un livre un jour! Hey, je ne plaisante pas là! T'as franchement beaucoup de talents, c'est gentil de nous en faire profiter

Sinon, zistoire Ti Jean, mo conne version "Ti Jean gato canette", je ne connaissais pas celle-là, version "Ti Rocco"! :P Mais franchement, t'as beaucoup d'imaginations, tes histoires et ta présence ici nou mettent vraiment le sourire aux lèvres. Merci Rocco
Réponse avec citation
  #4 (permalink)  
Vieux 14/05/2005, 12h08
Super Fan RM
 
Date d'inscription: août 2004
Localisation: London UK
Messages: 3 908
Envoyer un message via Yahoo à Rocco
Nathalia baby, Merci de to appreciation, C'est toi ki fine encourage moi pou mette tou zepice dans mo 2 blagues la, Hier soire mo ti pe ecoute to super live la le temps mo ti pe ecrire 2 blagues la, to programme la ti bien motive moi. Et mo ti fiere pou trouve lor Winamp " Nathalia Live de Paris" Mo dire cote tes parents pou trouve ca.
Continuer car tu es sur la bonne voie.
merci.
Rocco
Réponse avec citation
  #5 (permalink)  
Vieux 14/05/2005, 13h19
Fan RM
 
Date d'inscription: septembre 2004
Localisation: La Louvière - Belgique
Messages: 1 098
Rocco to bane zistoire mari top, touzour mem plaisir lire to bane zistoire.
Ti a contan tan toi raconte sa en live éne zour, mo sir ki to raconte sa avek plis de talent encore

Bisous à toi Rocco
Réponse avec citation
  #6 (permalink)  
Vieux 14/05/2005, 13h57
Avatar de SOUNEPATOUNE
Manev
 
Date d'inscription: mai 2005
Localisation: FRANCE / Sarcelles
Messages: 7
Envoyer un message via MSN à SOUNEPATOUNE Envoyer un message via Yahoo à SOUNEPATOUNE
Péna ene dimoune ki ka raconte moi zitoir la mais pli courte
Réponse avec citation
  #7 (permalink)  
Vieux 14/05/2005, 15h53
Avatar de Zaa
Zaa Zaa est déconnecté
Fan RM
 
Date d'inscription: mars 2005
Localisation: Dublin-Ireland
Messages: 607
sounepatoune, mo consey toi prend ene patiens to lire li !!to pa pou decu coir moi!....
to pou touffer r rier....si coup courte, to perdi tou !
mo ti lire li hier....la mone prend ene break ent revisions, mo revine chek dialog par ici!
top sa..merci Rocco nou coco dou
Réponse avec citation
  #8 (permalink)  
Vieux 14/05/2005, 16h35
Fan RM
 
Date d'inscription: mars 2005
Localisation: finlande
Messages: 595
Rocco par simple curiosité,are ki lamé to ti gratte to tinkon apré to accident
Réponse avec citation
  #9 (permalink)  
Vieux 14/05/2005, 16h55
Avatar de Zaa
Zaa Zaa est déconnecté
Fan RM
 
Date d'inscription: mars 2005
Localisation: Dublin-Ireland
Messages: 607
si mo rapel bien,nek Rocco so lamain droite ki ti dan platre non?
beh logikman ek lamain guache li ti p trace travay la danny!
rocco, vine confirme sa ene cout
hey danny...zoli observation ein!hahahahah
Réponse avec citation
  #10 (permalink)  
Vieux 14/05/2005, 18h37
Avatar de mtv
mtv mtv est déconnecté
Foreman
 
Date d'inscription: décembre 2004
Localisation: paris
Messages: 306
2 ,3 zour mo pa la .ki mo fine trouvé zordi .roccoco é de retour mo bien content to retour mone bien rié
Réponse avec citation
Réponse

Tags
blagues, deux, pour, weekend

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non
Trackbacks are oui
Pingbacks are oui
Refbacks are non

Discussions similaires
Discussion Auteur Forum Réponses Dernier message
[Party] Hommage a Kaya 26 Feb @ Blues Cafe ZahoOL Soirées et Concerts 76 22/02/2006 08h31
Miscellaneous SheHzaD555 Discussions Générales 62 14/07/2005 18h32
DEUX BLAGUES POUR VOUS REVEILLER!!! Rocco Discussions Générales 9 04/05/2005 15h32
Leçon d'identité mauricienne zazaluv Discussions Générales 20 17/04/2005 10h51
eddytamby collaborateur pour le mois octobre didier clarel eddytamby Discussions Générales 1 05/03/2005 10h12


Fuseau horaire GMT. Il est actuellement 22h19.


Édité par : vBulletin® version 3.7.4
Copyright ©2000 - 2020, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com