UNE BLAGUE POUR VOUS REMERCIER!!! - Radio Moris Sega Music Mauritius Ile Maurice

Précédent   Radio Moris Sega Music Mauritius Ile Maurice > Discussions > Discussions Générales

Réponse
 
Outils de la discussion Modes d'affichage
  #1 (permalink)  
Vieux 11/05/2005, 23h14
Super Fan RM
 
Date d'inscription: août 2004
Localisation: London UK
Messages: 3 908
Envoyer un message via Yahoo à Rocco
UNE BLAGUE POUR VOUS REMERCIER!!!

UNE BLAGUE POUR VOUS REMERCIER!!!

Je vous remerci infiniment pour vos voeux de Bonne Anniversaire et les mots doux à propos de mon sujet. C’est enn ti monde et mo pas conné comment zote fine arrivé conne ca, mais toute façon, merci. Moi aussi mo lire zote banne lartik et interactions tous les jours et mo bien impressioné par le niveau. Mo senti moi isolé et coupable ki mo fine kite zot, prend courage et mo senti moi fière ki mo trouve ca parti politik fam la fine formé, continuer les filles, zote sur la bonne voie. Je serai de retour mais pas d’aussitôt. Mo pas pou laisse zote tombé.

Voici la blague comme promis:

Enn jour après enn cyclone ti passé, mo ti l’entrprise Longaniste pa ti pé trop marché acose ti ena enn manke d’accessoires sur le marché, tou pier coco ek pier limon tine tombé. Alors mo dire mo lance moi dans enn lote domaine et comma nou entouré avec la mer, mo dire mo jette moi dans la pêche. Comma mo pa ti conne nenrien dans la pêche, mo dire mo acheter enn live pou getter ki mo pou besoin, live la dire moi ki mo besoin ça, ça, ça ek enn ta kite choses encore. Mo note tou ca la lor mo ti lardoise et mo alle dans enn grand magasin dans Caudan cote mo conner ki mo pou gagne l’ékipments de haute gammes. Mo rente dans magasin la, mo présente mamzel la mo lardoise lor ki mo ena mo la liste la. Mamzel la dire moi “ Monsieur, mo trouver ki ou enn Archiologiste” mo demane li ki faire li dire moi ça?” Li dire moi “parceki mo trouver ou fine ammene enn lardoise, cote ou fine alle fouille ça?”
Enfin, li chek lor so ordinateur et li dire moi ki li ena tou en stock, li faire compte et mo demanne li combien tou ça pou couter?

Le temps mo levé, mo trouve moi lor Sali et mamzel la pé vente moi, mo demane li “cote mo été, ki mo pé faire lor Sali et ki faire li pé vente moi?” Li dire moi “ Mesieur, comma mo fine dire ou prix bane lekipments la, enn cou meme ou fine pali, ou lizier tourné et ou tome sans connaissance.” Li dire moi “Ala mo fine mete quotation la dans ou poche, pas lire li dans mo magasin, attanne kand ou alle dehor parceki mo pa enn infirmière moi.” Enfin bane tourists dans magasin la aide moi pou deboute lor mo 2 lipied, mo gette dans la glace et mo trouve mo figire fine vine blanc, mo demane mamzel la enn tigit Fond de tin, li dire moi “Ala mo done ou enn touk Fond de tin, prend li ou aller mais pa lire ou kotation la ici.” Mo sorti dehor, mo mange 6 pastilles limon pou remonte moi inpé, mo ale assise lor enn banc pou lire kotation la, le temps mo getté, tou banne lekipments la coute Rs33.000!!! mo vine gaga, aveugle et sourde en meme temps.
Après enn demierde temps, mo dire Rocco, “courage courage met toi à l’ouvrage” Mo levé, mo alle la banque pou prend enn emprunt, mo rente dans ça la bank cote Rs850 millions ti disparette la, mamzel la gete moi ek mo savatte croisé, mo short déchiré et mo chemise à fleure multicolor, li dire moi “sorry camouade, nou pa donne loan dimoune comma ou ici”
Mo sorti dans la banque avec le coeur brisé, mo monte lor la chaussé et enn camarade arrette moi, li dire moi, “Hey Rocco, ki faire to pé pleuré comme ça?” Mo explik li ki fine arrivé, li dire moi “Ena 2quois pou zote refuse toi enn loan, to pa connais ki to ti besoin mette enn costume lor toi comma sa bane grand voleur ki travaille dans la bank la?”
Suite de ça, mo retourne la caze, mo tire mo ti costume premier communion enba matela parceki mo pa content mete linge chiffonné. Mo force li lor moi, le temps mo force ti canson la lor moi, telma li séré mo la voix changé, enn coute meme mo gagne enn la voix soprano, mo la voix vine feminin enn sel cou.

Mo fini habillé, mo re alle la bank, en arrivant laba, mo pa alle ek ca mamzel ki ti refuse moi la, mo alle ek enn joli garcon ki ena cheveux bouclé, teinture rouge lor so longue zong, zano créole dans so zoreil ek enn parfum Channel No6. Mo costé ek so comptoire mo dire “Bonjour mesieur” li dire moi “Oh! comme vous avez une belle voix feminin, j’aime j’aime et j’adore” Mo pense enn cou, mo dire “Rocco, la, to besoin capitalise lor la man” Mo dire li “J’aime bien votre Maskara aussi” li tire so carte dans so caba et li dire moi “voila ma carte, applez moi ce soir parcequ’on ne peu pas parler acose les cameras de surveillance.” Dans mo meme mo dire cote camera de surveillance ti été kand Rs850 millions ti disparaite. Li demane moi “Que pourai-je faire pour vous?” mo dire li ki mo fine vine pou enn emprunt de Rs 33.000, Li dire moi “comment esque vous applez? Mo dire li “Je m’appel Roccolette” li dire moi “Oh! C genial” li dire moi cose li content mo la voix, li pou offert moi Rs 35.000, mo dire tanmieux. Mo signe tou formes ki besoin ek mo pouce, mo prend l’argent la mo allé, comma mo arrive cote la porte, li dire moi “à ce soir chouchou.” Mo gette li, mo lek pese enn lizier are li. Mo alle direct magasin, comma mamzel la trouve moi, li coule enba comptoire. Mo alle derriere comptoire, mo dire li “ Mooooone trouuuuve ouuuuu.” Li dire moi faire enn maniere ki mo pa tome sans connaissance encore dans so magasin. Mo paye li, mo prend tou mo lekipment et mo retourne la caze.

La, mo trouver ki zote tous pé dire kand mo pou commence zistoire la?

Ala li vini la:


Le lendemain matin, mo habille moi, mo prend tou mo lekipment avec moi mo ale la pêche Caudan, mone choisire Caudan parceki banne Touristes donne poisons manger laba. Letemps mo pe marcher avec tou mo lekipment, dimoune ti croire ki mo enn marchand enbulant ki pe vane ekipments de peche. Mo arrette Kentucky, mo prend enn plato poule et mo ale assise dans boute Caudan cote mo ti trouve toi pé tire foto enn fois la, to rapelle? Line prend moi 30 minutes pou mo prepare tou mo bane lekipments la, mo prend enn jolie la cuisse poule mo enfile dans mo lamçon, mo jette mo la ligne et mo reglé mo truc electronique lor mo cane à peche et mo attane. Tou bane tourists pe veille moi ek zote camera pou filmer et tire foto mo premier poisson. Trois heurede temps fine passé, ni enn poisson ni en touké mo pa fine gagné.
Ti mama pli tard, enn fam vini ek enn bagette matelacier, enn boute riban attaché are li ek enn zépeine nourisse, li mette enn boute la mine dipain dans so zepeine nourisse et li jetté. Mo pa fine capave tini et mo rye fort, li gette moi et li dire “Rira bien rira le dernier.” Mo dire li “sorry matante, mo pa fine rye ou moi.” Li dire moi “Pa crier moi matante, parceki mo pa fine marrié are ou tonton moi.” 5 minutes pli tard li gagne enn gro capitaine, mo gagne enn shock, li gagne enn gros kato, enn geulpavé, enn shoemaker, batardé, vielles, mullets, cornes, homard, calamar, enn derriere lote li rissé meme. Mo nepli conné ki mo pou dire.
Mo dire li “excuse moi madam, mais ki ou secret? Mone assise la pendant 3 heurede temps, enn poisson mo pa fine gagné, et ou comma oune vini ek ou lekipment primitif la, oune gagne tou ca poisons la?” Li dire moi “ Ou banne zenesse zordi, oune perdi contact ek la réalité, gette ou enn cou ek ou canson 18 poches la, les gants dans la main, cane a peche telescopic et electronic, moulineu otomatik, ou bote monte ziska ou zepole, ou cassekette ek ventilaterre, ou monte ek boussole. Ou couma enn magasin mobile.” Li dire moi “ La simplicité c’est la vertu de la vie.” Li demane moi ki mo travaille, mo dire li ki mo enn sacristin.
Li dire moi “ Assterela mo pou dire ou ki mo secret mo garcon, comma ou enn sacristin, mo pou servi code ek ou parceki mo trouver ki ena enn innocence lor ou figure. Gramatin avant mo vine la peche, mo decouvert mo mari paresseu ki encore pé dormi la, si so engin verse a gauche, letemp mo vine la peche, mo jette mo la ligne a gauche et si so engin verse a droite lerela mo jette mo la ligne a droite et mo gagne bobou poisons C ca mo secret.” Mo dire li ki arriver si so engin O milieu? Li dire moi “Mo trouvé ki ou encore innocent jeunome, ki ca fam ki pou vine la peche kand engin la O milieu? Fodré li fole ca!!!”

En dernier, mo acheté tou so poisons, mo rente la caze, mo fam ek mo 13 zenfants ti bien fière de moi.

Merci mes amis et bonne chance.
Bizouuuuuuuuuuuuuuuuuuuu a vous touce.

Ala enn ti topic pou zote et mette ca lor Forum:
QU’ALLEZ FAIRE APRES LA RETRAITE???
Na pena copyright lor la

Rocco
[/b]
Réponse avec citation
Google
  #2 (permalink)  
Vieux 11/05/2005, 23h19
Avatar de ZahoOL
DeeJay
 
Date d'inscription: novembre 2003
Localisation: RM Studio
Messages: 3 677
Envoyer un message via MSN à ZahoOL
Welcome back Rocco
Réponse avec citation
  #3 (permalink)  
Vieux 11/05/2005, 23h19
Avatar de Zaa
Zaa Zaa est déconnecté
Fan RM
 
Date d'inscription: mars 2005
Localisation: Dublin-Ireland
Messages: 607
rocco mo pancor gagne letemsp lire joke la....mo dir laiss mo fini fer toi ene groooo bizou avant
aster mo al lire li.
ROCCO IS BACK IN BUSINESS!seryerrrrrrrrr sa man!
chombo tight lamem aster!
Réponse avec citation
  #4 (permalink)  
Vieux 11/05/2005, 23h28
Avatar de ZahoOL
DeeJay
 
Date d'inscription: novembre 2003
Localisation: RM Studio
Messages: 3 677
Envoyer un message via MSN à ZahoOL
Anu la peche les militants
Réponse avec citation
  #5 (permalink)  
Vieux 11/05/2005, 23h35
Avatar de Zaa
Zaa Zaa est déconnecté
Fan RM
 
Date d'inscription: mars 2005
Localisation: Dublin-Ireland
Messages: 607
waa.....avoy to lhamecon...la bwet la meme la.
top sa Rocco....mo encor p lire selman la...hihihihi
Réponse avec citation
  #6 (permalink)  
Vieux 12/05/2005, 00h22
Avatar de Nathalia
Fan RM
 
Date d'inscription: juillet 2004
Localisation: Studio 2, Radiomoris
Messages: 1 356
Welcome back

Hey oui, welcome back Rocco Continuer mette to nissa parmi nou toi! Trop cool la blague!
Réponse avec citation
  #7 (permalink)  
Vieux 12/05/2005, 04h15
Avatar de bisous
Fan RM
 
Date d'inscription: juin 2004
Localisation: italy
Messages: 1 038
Hey Rocco to ti blague la mari seryer

Greatest Bravo for you!!!
Réponse avec citation
  #8 (permalink)  
Vieux 12/05/2005, 06h12
Fan RM
 
Date d'inscription: mars 2005
Localisation: finlande
Messages: 595
LOU check sa sa ki apel radio morisien MERCI ROCCO
Réponse avec citation
  #9 (permalink)  
Vieux 12/05/2005, 07h00
Avatar de zazaluv
Fan RM
 
Date d'inscription: juin 2004
Messages: 816
Captivant ziska la fin hahahhaha... Welcome back
Réponse avec citation
  #10 (permalink)  
Vieux 12/05/2005, 07h02
Fan RM
 
Date d'inscription: septembre 2004
Localisation: La Louvière - Belgique
Messages: 1 098
Rocco, on est tous très content de te retrouver parmi nous, merci. Je comprends que tu n’es pas libre pour le moment, mais de savoir que tu reviendras, ça fait plaisir
On est tous très très content de te retrouver.

Ti zistoire la mari super, li 100% moricien, sa mem ki mo contan, mo fine bien regaler, fraz par fraz, superrrrrrrrrrrrrrrr merci à toi

Mo espéré ki to fine pass éne bonne zourné pou to lanif.

Nou attan to rétour avek éne gran patience
En attandant mo fer toi éne gros gros gros bisous
Réponse avec citation
Réponse

Tags
blague, pour, remercier, une, vous

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non
Trackbacks are oui
Pingbacks are oui
Refbacks are non

Discussions similaires
Discussion Auteur Forum Réponses Dernier message
un message inquietant lu dans sevihoo sevysh Divers. Miscellaneous. 87 03/10/2009 06h10
eddytamby vous demande de plus versé l'argent pour les logem eddytamby Discussions Générales 5 07/03/2006 09h52
Miscellaneous SheHzaD555 Discussions Générales 62 14/07/2005 18h32
eddytamby collaborateur pour le mois octobre didier clarel eddytamby Discussions Générales 1 05/03/2005 10h12
Objectif 3000 membres au 31 décembre 2004 RadioMoris Discussions Générales 9 23/12/2004 08h27


Fuseau horaire GMT. Il est actuellement 03h54.


Édité par : vBulletin® version 3.7.4
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com