Mo premier voyage lor avion vers l'europe!!! - Radio Moris Sega Music Mauritius Ile Maurice

Précédent   Radio Moris Sega Music Mauritius Ile Maurice > Discussions > Discussions Générales

Réponse
 
Outils de la discussion Modes d'affichage
  #1 (permalink)  
Vieux 24/04/2005, 19h37
Super Fan RM
 
Date d'inscription: août 2004
Localisation: London UK
Messages: 3 908
Envoyer un message via Yahoo à Rocco
Mo premier voyage lor avion vers l'europe!!!

Mo premier voyage lor avion!!!
Lere mo ti éna 19 ans, mo ti pé prepare moi pou alle Londre pour la première fois, mo rapelle mone tine reussi force mo ti costume premiére communion lor moi pou mo look cool. Vers 4 heures tanto, banne transport tine vini, bus, camion, van, biciclette, mobilette ek patinette pou mo 69 fami escorte moi l’aeroport Plaisance. Létemp nou arrive Plaisance, zote donne moi enn serviette pou souille mo larme ek plusure sack plastic ki pou distribuer are plusure fami dans Langletere. Mais mo ti remarké ki mo touseul ti pé verse larme tandis ki les zote ti apé rié et content. Ki fere ca? Eski zote ti pé content pou débarasse moi? Oubien zote façon ki zote exprime zote chagrin ki Rocco pé kitte zote?

Enfin vers 6 heure, mo enbrasse tous ca larmé la pou mo kitte zote, mo la leve finn plissé, likou inn gaine tortikoli ek zépol finn cambré. Mo kitte zote, letemp mo arrive pli devant, mo vire derriere pou getter comma dans film, mo trouve zote tou pé rié et pé tappe la main. Mo croire si zote ti capave, zote ti pou tire petards telma zote chagrin ki mo pé kitte zote. Mo arrive pli devant, mo passe mo la mal ek mo 18 sack plastic dans Rayon X, soudain, alarme sonné et machine la blocké, Sékirité vinn getté, zote dire moi ki de l’huile zachard ek l’odeure bomli finn blok machine la. Zote dire moi jette banne bomli la, mo pas jetter, mo prend zote mo mette dans tou mo banne poches, mo ramasse mo la mal ek mo grappe sac plastic pou mo alle check in. Le temps mo arrive lor contoire, mamzel la bouche so néné ek enn mouchoire, mo pas conner ki fere!!! Li dire moi mark mo nom lor mo la mal, hereusement mo ti éna enn la craie dans mo poche, comma mo fini marke mo noms, li dire moi aller vite vite. Mo aller, mo rente dans avion Air Malicious ek mo 18 sac plastic, sa cou la mo trouve banne controleures avion la ki bouche zote néné are mouchoire. Mo croire ca jour la, zote tou ti are la gripe, enfin mone met 2-3 sac plastic dans la caze pigeon lor mo la tete ek les zote enba mo siege ek lor mo la cuisse. Mo assizé et mo trouve tou banne passager finn attache zote are sangg. Mo pa attache pou moi en ka ki avion crazer mo capave sotter. Controlleur vine are moi et li force moi pou attache mo sangg, en mem temp mo dire li “ controlleur eski ou capave done moi enn parachute en ka ki avion gaine panne dans lair?” li dire moi, “premiérement mo pa enn controlleur, mo enn hotesse de lair, et deziemement nou pa donne parachute dans avion.” Mo dire li ki arriver si avion gaine panne dans lair, li dire moi “ prier tou bondié ki ou conner.” Épuis li allé.
La, mo assizé et mo commence touche tou boutons ki mo trouvé. Mo pese enn bouton, mo siege allonge à l’arrière, mo dire correct, mo casse enn pose et mo gaine enn ti someile. Controlleur la leve moi et li dire moi dress mo siege ziska avion la décollé, le temp mo gette toute lelong tour moi, mo trouve tou passagers finn kitte zote siege et zote pé deboute par derrière comma dans bus Rose Hill transport, et ti mama plitard controlleur vini et li commence spray cote moi ek parfum, mo demanne li ki faire? Li dire moi “Bomli Rocco” enfin mo pas dire nenrien cose mone gaine 8 siege pou mo tousel ziska Langleterre. Mo déssane dans Londres, mo rente dans enn Wimpy pou mo manger, zote donne moi couto, fourchette ek couillere, mo gette ca banne zouti la, mo dire la, ki mo pou faire are ca kand bondié finn donne moi enn la main droite pou manger. Enfin mo dire “Rocco, look cool man” mo prend enn le Coeur mo ésseil couto ek fourchette, Comma mo pik enn pomme frite ek fourchette, li sotté et li baise enn Anglais direct dans so figire, li lévé et li vinn direct vers moi, comma li cossté are moi, mo trouve li récullé et bouche sa néné are mouchoire. Mo dire “enn douk ca, ziska Londres ossi zote gaine la grippe.”
Enfin mes amis, mo termine la mem cose éna trop bocoup pou racconter.
Merci et à la prochaine.
Rocco.
Mo secrétaie 3 bonet la ki finn type ca pou moi.

Zahool, merci pou to l'aide, I owe U 1 man.
Réponse avec citation
Google
  #2 (permalink)  
Vieux 24/04/2005, 20h00
Fan RM
 
Date d'inscription: mars 2005
Localisation: finlande
Messages: 595
Pas facile are twa To pé fer dominer ar to secreter.Mo sire to lamé ine bien to bese ar zes et to fer li ecrire tou banané ki ena. .To ti bizin casse coco dan avion et partaze ek ban pasager ki les twa zot siege la
Réponse avec citation
  #3 (permalink)  
Vieux 24/04/2005, 21h03
Avatar de bb2iles
Enflé
 
Date d'inscription: mai 2004
Localisation: paris
Messages: 172
Rocco Rocco Rocco c'est rare qui mo rire autant .Franchement continué man .
Franchement to donne la joie de vivre.MERCI à toi.
Réponse avec citation
  #4 (permalink)  
Vieux 25/04/2005, 08h24
Super Fan RM
 
Date d'inscription: août 2004
Localisation: London UK
Messages: 3 908
Envoyer un message via Yahoo à Rocco
Ki senena capave suggere enn Avantar approprier pou moi?

Ki senena capave suggere enn Avantar approprier pou match mo personaliter? li besoin top, si non mo ena 2 coco ek camphre pe attanne toi.
Merci.
Rocco
Réponse avec citation
  #5 (permalink)  
Vieux 25/04/2005, 12h00
Avatar de keyshia
Enflé
 
Date d'inscription: mars 2005
Localisation: france ds le93
Messages: 185
Envoyer un message via Yahoo à keyshia
ROCCO to n dimoune speciale toi ; mo mari riyé r toi mo dans travay

kan mo p lire tout ca bane dialogue la mo bane colègue travay p dire

moi ki fer mo p riyé coume ca mone bizin traduire li en francais pour

zote comprend to trop fort lor bane dialogue toi wai trop fort continué fer

nous riyé rocco c trop top je te kiffff grave

gros bisousss a toi et merci


keyshiaaaaaaaaa
Réponse avec citation
  #6 (permalink)  
Vieux 25/04/2005, 14h18
Avatar de mtv
mtv mtv est déconnecté
Foreman
 
Date d'inscription: décembre 2004
Localisation: paris
Messages: 306
Re: Ki senena capave suggere enn Avantar approprier pou moi?

Citation:
Posté par Rocco
Ki senena capave suggere enn Avantar approprier pou match mo personaliter? li besoin top, si non mo ena 2 coco ek camphre pe attanne toi.
Merci.
Rocco
hé rocco
mo ti dire toi to 1 spécimen bien rare to rapel bizin krée 1 avatar pou to tou sél. to ekceptionel .mone bien rié are to ti zistoire.kontinié
o faite to la main ki dire
Réponse avec citation
  #7 (permalink)  
Vieux 25/04/2005, 16h08
Avatar de josy
Labourer
 
Date d'inscription: janvier 2005
Localisation: france
Messages: 49
rocco mo ine bien gagne rié avek to zistoir,comment mtv ine dire to ene specimen rare ayo pa facile are toi rocco.
Réponse avec citation
  #8 (permalink)  
Vieux 28/04/2005, 20h29
Avatar de tipima
Fan RM
 
Date d'inscription: mars 2005
Localisation: France
Messages: 699
rocco! rocco!

bon, aster mo fatigué dir toi merci pou to bane msg et ki mo bien gagne ryer! viré tourné mo met mem dialog!! enfin, to voyaz rappel mwa mo premier voyaz pareil!! sauf ki moi bane la pas ti donne bomli mais ene tas gato de l'huile (samoussa, gulab jamoun, gato pima)!! mo grand mère dir tension gagne faim dans avion, donne li ene ti zafer pou manzer!!! ti zafer ti dans ene sac plastic magasin tulsidas rose-hill!!!! ler mo arrive la france, ine gagne de l'huile dans tou mo bane zafer!!!
Réponse avec citation
  #9 (permalink)  
Vieux 29/04/2005, 02h36
Manev
 
Date d'inscription: janvier 2005
Localisation: Haiti
Messages: 8
Envoyer un message via AIM à James007
wow Rocco sa listoire la in tres interesan mo riye beaucoup. mais mo bizin coner si sa vle dir "bomli" en anglais sil vous plait? thanks
Réponse avec citation
  #10 (permalink)  
Vieux 29/04/2005, 05h55
Super Fan RM
 
Date d'inscription: août 2004
Localisation: London UK
Messages: 3 908
Envoyer un message via Yahoo à Rocco
Mo premier voyage

Hey James Bond (007),
Merci pou to reaction, Mo pa trop sure mais mo croire banne Anglais apel Bomli Bombay Duck, Ena bocoup restant Bombay duck and chips dans lengleterre, zote la porte pa besoin rido parceki li couvert ek mouche,

Merci
Rocco
Réponse avec citation
Réponse

Tags
avion, leurope, lor, premier, vers, voyage

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : non
Trackbacks are oui
Pingbacks are oui
Refbacks are non


Fuseau horaire GMT. Il est actuellement 05h53.


Édité par : vBulletin® version 3.7.4
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com