Eski ca concerne toi ki traverser dans to tizil? - Page 6 - Radio Moris Sega Music Mauritius Ile Maurice

Précédent   Radio Moris Sega Music Mauritius Ile Maurice > RadioMoris.Com > Annonces RM

Réponse
 
Outils de la discussion Modes d'affichage
  #51 (permalink)  
Vieux 08/12/2007, 17h34
Avatar de Kestrl
Couper Cannes
 
Date d'inscription: avril 2007
Localisation: London
Messages: 82
Vivre ou survivre?

Vivre = prends ene l'interet dan to to la vie et ban zaffaires ki passer autour de nous.


Survivre = tracer couma capav, kan demain pou vini ava guetter.


Combien parmi nous survivre, fine blier couma vivre? Dan Maurice nous tous bisin tracer, la vie trop cher.

Nous per nou perdi sa travail ki nou ena la, nou per pou sa ti la vie confort ki nou fine habituer la. Nous accepter perdi nous droit pou kestionne l'injustice. Nous fine donne ene lot ki pli la haut ki nous tous nous droit. Esclavage moderne?

Mais saute dilo, ouvert to lizier, zamais to regard pa pou pareille kan to pou guette to tizil.

Mo souhaiter ki vraiment ena ene mouvement pou oblige gouvernement aster et tou lot gouvernment ki pou vini apres, gouverner, pa zis remplie zot propre poche et ventre.
Réponse avec citation
Google
  #52 (permalink)  
Vieux 09/12/2007, 02h28
Avatar de Noodle
Enflé
 
Date d'inscription: décembre 2007
Localisation: China Town
Messages: 103
Pas bizin tom daccord ek person. Nou tou lor meme nivau. Nou

bizin tom daccord dans nou meme, mette lordre dans nou ley ker. Quand

ene millionaire mauricien ine faire so "packet" a letranger et li retourne

Maurice, ouvert ene business et commence exploite so propre

compatriotes so ley ker pas en ordre. Alla mo montrer ley doig! Quand

zis 1.5% jobs dans service civil pey occuper par ene communauter

qui couvert plis qui 25% population, le ker ban politiciens pas en ordre.

Montrer les doig encore! Est-ce mo pey faire politique la? Non. Quand

mo dire qui dimain matin soleil pou lever dans L'Est est-ce qui politique

sa? Non! C'est ene "fact". Ban journalistes mauricien faire pareil. Nou

tou bizin vin ene ti lournaliste lor internet. Quand Kaya ti prend so la

guitare et li commence montrer les doig so ley ker ti en ordre. Quand

ena lodre dans nou lesprit dimoune commence sanzer sans qui zotte

connai qui faire zotte pey sanzer.


Mo comprend se qui zotte pey dire. Depi longtemp mo fin tourne mo

le dos ar politique. Si poltique ti capav change le monde, le monde

pas ti pou dans ene 'mess' pareil. Nou ti bizin pey vivre dans

paradis zordi. Non? Nou tou connai qui peut-etre la fin du monde

pey vini ek rechauffement planete, pas pou nous, mais pou nou

ban ti zenfants ek zotte zenfants. Nou ne plis capav depan lor ban

politiciens, nou bizin commence agir individuellement. Laisse ban

politiciens faire se qui zotte contant mais moi mo pou agir ene lotte

facon, tranquilement. Quand mo trouve linjustice, pauvreter etc et

mo gagne locazion, mo pou leve la voix pli fort possible partout, zisqua

ena sanzeman dans Maurice. Qui sanzeman? Qui tou mauriciens

EGAL, qui gateau national bizin diviser equitablement et qui tou

famille mauriciens bizin ena ene ti boute la terre, ene toit pou couver li

a soir, ene lili pou li dormi et au moins ene bon repas par jour. Et qui

tout mauriciens considere communalisme ek politique comment poisons

violent et qui jamais zisqua zotte mort zotte pou touche sa poisons

la, meme si ban politiciens essaye rempli zotte poche. Pas touche li meme

avec ene baton cent metres longueur! Li trop dangereux. Li radioactif.

Li touille nou lame doucement sans qui nou connai. Quette dans figure

ek lisieux ban politiciens, presidents, PM etc, est-ce qui ene figure qui

ena compassion pou les autres sa?


Nou bizin empeche nou ban ancetres esclaves (bondier comment zotte fine

souffert pou nou!) commence maudi nou depi zotte tombe! Nou pas ine

gagne nou lindependence pour perpertuer linjustice ban colonialiste ou pou

creer ene lotte qualiter esclavage! Comment mo fin ecrire dans lotte poste,

larme bizin couler quand nou trouve portrait la police dans la gazette

qui pey dire dimoune qui bien bien misere "lev paker aller". Cotte pou aller?

Al zette lecorps Le Morne comma nou ban ancetres? Ena famille qui

possede arpents ek arpents la terre mais zotte reste tranquille. Zotte

pas dire: "Bondier in donne nou trop boucoup. Alla ene ti boute pou toi."

La monaie 'developments' pey endurci les coeurs ban mauriciens. Nou

ban ancetres pas ti coumsa. Zotte ti con partager.


Peut-etre zotte pou dire qui mo pey reve ene Utopia dans Maurice.

Oui!!!! Comment anglais dire: bizin "aim high". Humains qui fin creer

nation, societer. C'est ban humains qui capav change li, non pas avec

ene mouvement de masse qui pou cause violence, la guerre civil

mais doucement, doucement individuellment sans arrogance avec

"self-affacement". Nou capav faire li, commencer zordi dans nou. Si nou

dans Maurice et nou trouve ene dimoune qui vraiment dans la misere

nou bizin ecoute se qui nou ley ker dire nou. C'est nou ley ker qui

pou dire nou qui maniere pou agir correctement. C'est mo ley ker

qui faire et dire moi ecrire se qui mo fine ecrire ici zisqua present.

Et c'est mo ley ker qui pou dire moi quand pou arrete ecrire, arete

causer ou 'prepare toi pou to dernier souffle'.


Nou pas pou alle dans prison. Ti zaffaire pas pou vin grand zaffaire.

Ti generositer ley ker qui pou sanze nou pays doucement doucement.

Quand mauriciens visite Maurice pas zis amuser, boir, nager la mer etc;

ouvert lisieux en grand ek laisse ley ker causer. Li pou faire nou connai

quand nou bizin ouvert portefeuil sans la main trembler. Si nou prefere

trouve ene famille gagne en bon repas ou moins en fois dans zotte la

vie qui en place nou louer ene BMW pou faire ley tour pays, nou connai

le ker qui pey causer...qui li dans bon place. Oublier ban ONG. Nou bizin

agir direct. Etrangers jamais pou capav compren mauriciens. Est-ce qui

ban mauriciens qui reste dans UK comprend ban anglais profondement?

Bizin ene anglais pou comprend ene lotte anglais.


Kaya ine aller avant so lair. Nou bizin laisse li dormi en paix. Nou tour

ine arriver pou montrer les doig ziska nou joine li ene jour. Li tres simple.

Pena boucoup pou discuter. Pas laisse politiciens ek zotte communalisme

ferme nou lizier et endormi nou. Nou pas bisoin aucun pouvoir politique.

Nou pouvoir, nou la force li dans sa ley ker qui fer mal quand li trouve

ene mauricien maltraite ou exploite ene lotte mauricien. C'est sa 'ley ker

fermal' la qui pou faire nou agir individuellement....sans violence. Si nou

portfueille vide nou apporte ene lotte portfueille - soutien moral sans qui

la main gauche connai qui la main droite pey faire.


Tou la riviere commence par ene goutte de l'eau. Quand tou ban goutes "move"

dans meme direction nou pou gagne (avec le temp) ene fleuve comma

Amazone. Mo pas ene reveur moi. Ene dimoune qui rever li dans sommeil!


Merci tou ban mauriciens qui fine prend letemp pou lire se qui nou fin

ecrire. Mo bizin veil locazion pou mo servi sa machine la. Pas connai

quand pou capav revin lor RM. Montrer les doig ...sans frayeur. C'est tou!


***


PS: @Oly,

Se qui pas interesser pey dormi. Laisse zotte boire zotte

'ti colo' et apres rentre dans zotte coma. Li ene "free world"!

Zotte pas pou gagne droit plaigner si pays commence couler.

Se qui pena le temps bizin trouve le temps si zotte ena

nou tizil dans ley ker.


@Kestrl,

Bravo! Ala to pey montrer les doig:

" gouverner, pa zis remplie zot propre poche et ventre..."

Oui, gouverner mais gouverner pou TOUS pas zis pou ene

section population.
Réponse avec citation
  #53 (permalink)  
Vieux 09/12/2007, 10h25
Avatar de monica__95
Super Fan RM
 
Date d'inscription: octobre 2004
Localisation: Ile de France...France
Messages: 3 939
Citation:
nou la force li dans sa ley ker qui fer mal quand li trouve

ene mauricien maltraite ou exploite ene lotte mauricien. C'est sa 'ley ker

fermal' la qui pou faire nou agir individuellement....sans violence. Si nou

portfueille vide nou apporte ene lotte portfueille - soutien moral sans qui

la main gauche connai qui la main droite pey faire.
Merci Noodle pou to participation tous a fait d'accord sur certain point.
Réponse avec citation
  #54 (permalink)  
Vieux 09/12/2007, 15h24
Avatar de cocasse
Manev
 
Date d'inscription: octobre 2004
Localisation: London
Messages: 24
Envoyer un message via MSN à cocasse
Mo pa konn lezot me mwa monn fek avoy enn e-mail bann zournalis dan zil e se pa premie fwa ki mo fersa. Zot doon mwa linpresyon ki zot per pou pibliye mo bann lartik parski zame zot finn fer enn zefor ziska aster la, ena bann kamwad dir mwa ki mo tro direk, ankoler ou ki mo ena tro boukou la henn anver bann politisyin dan Moris me mo pena okenn la henn ou ninport ki zafer lezot p dir mwa, mo zis ena fristrasyon dan mo leker kouma tou mo bann frer ek ser dan nou tizil. Alor mo espere ki enn zour zot pou pas mo ban ti mesaz lepep Morisyin.
Réponse avec citation
  #55 (permalink)  
Vieux 09/12/2007, 17h18
Supervisor
 
Date d'inscription: octobre 2007
Localisation: England
Messages: 423
Citation:
Posté par cocasse Voir le message
Mo pa konn lezot me mwa monn fek avoy enn e-mail bann zournalis dan zil e se pa premie fwa ki mo fersa. Zot doon mwa linpresyon ki zot per pou pibliye mo bann lartik parski zame zot finn fer enn zefor ziska aster la, ena bann kamwad dir mwa ki mo tro direk, ankoler ou ki mo ena tro boukou la henn anver bann politisyin dan Moris me mo pena okenn la henn ou ninport ki zafer lezot p dir mwa, mo zis ena fristrasyon dan mo leker kouma tou mo bann frer ek ser dan nou tizil. Alor mo espere ki enn zour zot pou pas mo ban ti mesaz lepep Morisyin.
Comme quoi pa zis ban dimun lor forum ki hide themselves ou ki gain peur pu xprimé paski ban journalistes si dévoile zis 3/4 dan fond zot pensée et kan dimun ouvert zot la bouche ban journalistes croir zot ki pu bzen assume ban dimun la zot propos !!
Réponse avec citation
  #56 (permalink)  
Vieux 10/12/2007, 18h09
Avatar de Kestrl
Couper Cannes
 
Date d'inscription: avril 2007
Localisation: London
Messages: 82
Agir en politique

Citation:
Posté par Noodle Voir le message
Quand

zis 1.5% jobs dans service civil pey occuper par ene communauter

qui couvert plis qui 25% population, le ker ban politiciens pas en ordre

Noodle, ene ti question: pou ki to p defane case? toute la population mauricienne ou selment 25%.

Bisin introduire ene culture de rend compte dan nou pays. Par la mo ouler dire ki, pa bisin attane journaliste kestionne membres parlement. Chaque mauricien ki voter, (Pa ban dimoune ki kan election reste zot la caze apres dire gouverment pa bon) bisin ecrire so depute, exiger ki zopt ran compte, pose question dan parlement, faire zot travail


Ou encore vin actif, pose candidat! dan parlement ki pouvoir la ete.
Réponse avec citation
  #57 (permalink)  
Vieux 12/12/2007, 09h50
Avatar de Noodle
Enflé
 
Date d'inscription: décembre 2007
Localisation: China Town
Messages: 103
Kestrl in ecrire:

>Noodle, ene ti question: pou ki to p defane case?
>toute la population mauricienne ou selment 25%.

>Bisin introduire ene culture de rend compte dan
>nou pays. Par la mo ouler dire ki, pa bisin attane
>journaliste kestionne membres parlement. Chaque
>mauricien ki voter, (Pa ban dimoune ki kan election
>reste zot la caze apres dire gouverment pa bon)
>bisin ecrire so depute, exiger ki zopt ran compte,
>pose question dan parlement, faire zot travail

>Ou encore vin actif, pose candidat! dan parlement
>ki pouvoir la ete."

Mo pey montrer les doig qui gouvernment pas pey gouvern pou TOUS

quand mon mention 1.5% ek 25% . Li pey gouvern pou ene parti population

seulement, pou dimoune qui fin vote pou li. Mais laisse nou "put aside"

politic qui ene pourriture partout dans le monde. Comma mo fine dire,

li ene poison violent. So lodeur touffe moi. C'est ene puanteur qui faire moi

malade. Mo pena la haine pou ban politiciens. Simplement mo pey rode

montrer qui zotte empoisone nou lesprit ek zotte ban FUD ("fear, uncertainty,

doubt") especialement quand nou pres ek election. Zotte leker en desodre. Li

impossible pour Lekers qui en desordre pou capav mette lodre dans le monde,

nou pays ou meme dans ene famille. Nou bizin trouve ene facon gouverne nou

pays SANS POLITIC. Lerla quand nou coupe gateau national nou pas pou

guette figure avant qui nou mette morceau dans lassiette.


C'est ene lunatic IDIOT qui fine mette ene clause dans nou Constitution qui trois

communauter forme nou nation. Sa veut dire qui pli grand la loi dans pays dire

qui NOU PAS UNI. Nou diviser en trois! Li hipocrite qui dimoune preche liniter

quand la loi (Constitution) dire qui nou pas uni! Alors pourcentage bizin

mentioner partou. Mauriciens "doomed to divide" pou leterniter si sa clause

pas disparaitre. Sa clause la, li racine presque tou nou ban problem. Mo ene

mauricien mais si mo ene membre majoriter mo senti moi pli "secure" qui les

autre mauriciens. Mo capav leve la voix et dire qui "pouvoir dans nou la main. Pays

pou nou." Et la guerre lerla lever. Nou tou connai cotte racine violence eter dans

Maurice. Sa clause la faire commnunalisme legal! Li dire INDIRECTEMENT qui

violence communal legal!!! Qui faire? Parcequi kot ena division pou ena conflit

qui tot ou tard pou degenere en violence. Pense in peu et dire moi si se

qui mo pey dire li la veriter ou non. Personne pas infaillible! Bizin mette

tou ban points lor la table pou discuter ek dissection. Si nou capav coupe sa

points en morceau ek bistouri zotte pas ene veriter et zotte pena valer. Mais

si nou pas capav coupe zotte et zotte reste entier nou bizin dire qui zotte vrai.


Pou moi seul culture 'pou rendre compte' c'est 'montrer les doig' sans

peur. Si mo ena frayeur mo les doig pou trembler! Si ene lotte mauricien

montrer moi les doig et dire moi qui mo ene exploiteur mo prochain, mo sur

qui mo pou gagne la honte et mo pou sanze mo lavie immediatement. Quand

mo montrer les doig mo pey faire politic? Non! Mo fin montrer les doig lors

ene clause Constitution. Combien mauriciens ine lire Constitution? Politic

sa? Non! Constitution ti bizin traduire en creole, francais etc et gouvernment

bizin donne ene copie tou seki diman ene... gratis. Meme marchand dal pourri

bizin etudier Constitution pou li kon so droit. Est-ce qui zis ban avocat ek

ban etudiant liniversiter qui pou etudier Constitution? Et puis quand zotte

con interprete li in peu zotte vin arrogant.


Si mo pou vote pou ene candidat qui pou perpetuer communalisme, mo

prefere reste la case. Si mo pou ecrire ene deputer communaliste mo

prefer laisse mo keyboard reposer. Parlement dans Maurice ene zoo.

Li pareille dans les autre pays. C'est leker ban dimoume qui fin creer

sa parlement la. Sa veut dire qui la plupart leker ban dimoune pas

en ordre. A cause sa meme mo prefere simplement montrer les doig

directement sans passe par Parlement. Li pli efficace, pli sincere et

pena "ulterior motives" politique. Sa 'montrer les doig' ena plis pouvoir

qui Parlement! Li ene difil invisible qui joine tous mauriciens parcequi

so guide li pas sa 'clause idiotique' qui dans nou Constitution. Nou

pas batte nou ban zenfants. Nou zis montrer zotte les doigs. Non?

Nou connai qui li efficace et qui li sanze zotte mauvais tendance.


Le monde fin ena des centaine Parlements pendant des centaines

d'annes. Resultat? Laguerre apres laguerre jusqua finalement zotte

fin mette planete dans "intensive care". Alors qui pou faire? Nou bizin

ne pli ecoute zotte et forme nou propre parlement dans nou leker.

Reste tranquil. Pas ecoute personne. Ecoute zis seki qui leker dire et

nou la vie pou vin en ordre. Leker nou ban ancetre tou le temps dire:

partager. Leker ban politiciens dire: nou prend TOU pou nou ban!


Encore ene longue poste. Sorry.. Excuse aussi pou ban mots en

capital.
Réponse avec citation
  #58 (permalink)  
Vieux 12/12/2007, 17h28
Avatar de oly
oly oly est déconnecté
Enflé
 
Date d'inscription: décembre 2005
Localisation: sur le net
Messages: 165
Thumbs up

Citation:
Posté par Noodle Voir le message
.../...Quand Kaya ti prend so la

guitare et li commence montrer les doig so ley ker ti en ordre. Quand

ena lodre dans nou lesprit dimoune commence sanzer sans qui zotte

connai qui faire zotte pey sanzer.../...


.../...Le monde fin ena des centaine Parlements pendant des centaines

d'annes. Resultat? Laguerre apres laguerre jusqua finalement zotte

fin mette planete dans "intensive care". Alors qui pou faire? Nou bizin

ne pli ecoute zotte et forme nou propre parlement dans nou leker.

Reste tranquil. Pas ecoute personne. Ecoute zis seki qui leker dire et

nou la vie pou vin en ordre. Leker nou ban ancetre tou le temps dire:

partager...



Encore ene longue poste. Sorry.. Excuse aussi pou ban mots en

capital.



YESSSSSSSSS
mo bien d'akor ek twa !
Ene longue poste pu ene longue simin...
Dépi lontan soley éclaire lor la ter
mais zom souvan préfere le contraire...
Mo escuz twa pou sé ki to écrir en capital
c'est capital de le dire, de l'écrire...
Mo truv twa mary séryé intéressant
mo espere tou sa la sanzé vite
partou lor la ter, pu mwa voir sa vivan.
pa selmen moris, vérité la iniversel...
love & respect Noodle

Réponse avec citation
  #59 (permalink)  
Vieux 13/12/2007, 17h24
Avatar de Kestrl
Couper Cannes
 
Date d'inscription: avril 2007
Localisation: London
Messages: 82
N'empeche ki mo penser ki c'est a travers parlement et deputer ki zaffaires capave avancer. Et ban deputer zotte la vie trop facile a maurice, bisin oblige zot faire zot travail. Zot bisin ran compte, c'est pour sa ki vot zotte. Et zot bisin assurer ki gouvernement aussi ran compte lor so travail. Apres tout c'est la population ki paye zot. L'argent tax ki faire zot la paye et donne zot bel l'auto pou rouler.

Lever do mo pep!
Réponse avec citation
  #60 (permalink)  
Vieux 14/12/2007, 22h57
Avatar de Noodle
Enflé
 
Date d'inscription: décembre 2007
Localisation: China Town
Messages: 103
Oly,

To fin ecrire zis ene ti boute seulement mais

li contenir tou se qui mo pey dire. Nou pey

marche lor meme chemin, dans meme direction...

dans lordre. Love & respect to you too ek les

autre qui lor meme chemin mais qui prefere

reste silencieux.


***


Kestrl,

>Lever do mo pep!

Lepep pas capav lever. Li dans coma. Serpent

communaliste in pique li. La tete sa serpent la

dans nou Constitution. Seul antidote - coupe so

la tete! Bizin qui Constitution declare clairement

qui nou nation ene nation uni et qui li pas composer

en trois communauter. Dans Constitution fauder

li pas ena narien qui divise nou.
Réponse avec citation
Réponse

Tags
concerne, dans, eski, tizil, toi, traverser

Outils de la discussion
Modes d'affichage

Règles de messages
You may not post new threads
You may not post replies
You may not post attachments
You may not edit your posts

BB code is oui
Les smileys sont activés : oui
La balise [IMG] est activée : oui
Le code HTML peut être employé : oui
Trackbacks are oui
Pingbacks are oui
Refbacks are non

Discussions similaires
Discussion Auteur Forum Réponses Dernier message
Coma eski to trouve Maurice dans 25 ans? Rocco Discussions Générales 17 14/12/2007 15h01
Eski zote croire dans Longaniste? Rocco Divers. Miscellaneous. 44 09/12/2007 17h15
Sponsor un enfant pauvre dans tizil Rocco Discussions Générales 15 09/12/2007 15h48
EXTORSION A LA POST DANS TIZIL Lewis Nadal Discussions Générales 60 09/12/2007 15h32
Concerne morisien canada Sean Divers. Miscellaneous. 22 24/07/2005 22h54


Fuseau horaire GMT. Il est actuellement 22h26.


Édité par : vBulletin® version 3.7.4
Copyright ©2000 - 2017, Jelsoft Enterprises Ltd.
Search Engine Optimization by vBSEO 3.1.0 Tous droits réservés.
Version française #12 par l'association vBulletin francophone
© 2003-2008 RadioMoris.Com