Radio Moris Sega Music Mauritius Ile Maurice - Afficher un message - Kuma la vie longtemps ti été?
Afficher un message
  #26 (permalink)  
Vieux 06/08/2007, 16h03
Avatar de NetRunner
NetRunner NetRunner est déconnecté
Foreman
 
Date d'inscription: octobre 2003
Localisation: Belgium
Messages: 368
Thumbs up Qui fer nou nek cose chopo mem hein

Zot apé dire ban restaurants ek snacks qui nous rappel etc.
Mo pou dire zot aine ti secret, qui mo garder bien jalousement ek qui donne moi inpé de courage quand l'esprit down ek mo homesick....
Mo rappel qui mo ti lekol primaire gustave colin govt. labas lacantine ti fer par Devi qui ti la femme de Retnon le gardien resident. Ler dans récréation mo rappel qui mo alle acheter aine chopine sirop bien frais mo na pas rappel bien prix la mo croire 5 sous. Dipain frire ek gateaux delhuile ti 2 sous ek lerla madam la donne aine ti coupchatini cotomili lors la ziss pou donne gout. Aussi li ti fer extra gateaux merveille bien croustillant avec inpé piment crasé. Mais le plus extra c'est sa zachard légumes la avec so gros piment vert coupé finement ladans ayooooo. Dans aine dipain maison ou fine met 5 sous zachard ladans mo apé dire ou grand manger sa ou casse paquet assizé embas pied flamboyant. Ziss après ou galoupé alle akot biro maitre d'école pou boire dans robinet aine grand gorgé délo tellement qui achard la fer ou labouche gagne chaud ... Plus tard kan mo fine rentre dans secondaire mo fine alle JKC labas lotte programme. La vie vine plus cher ek mo croire qui gateaux delhuile la ti fini vine 25 sous lerla ek dipain ti 13 sous. Lerla nous batte aine roti avec so 5 cari ek so piment crasé ek so brèdes songe. Ou bien so dholl purri bien chaud mo croire ti 50 sous paire lerla. Puis nous alle laboutik madam en face kollez boire aine coca entre ban kamarad. Si trop beaucoup dimoun nous alle akot laboutik Georges labas plus calme.
Aina ban moments ou mémoire ramène en surface ban parfums ou gouts particuliers qui rappel ou sa ban moments la. Ban moment qui normalement ti insignifiant mais qui aster la faire nous revivre tant de choses qui manque nous tous tant.... ( En tout cas qui manque moi tant ...)
Tout ces choses la li bien important pou moi car ceux sont des repères dans mon passé qui permet moi na pas blier mo l'identité...
Ala cequi mo ti envi partaz are zot azordi ... Mo ava raconte zot plus inpé au fur à mesure qui sa ban zimages la revini dans mo l'esprit de temps en temps.

Réponse avec citation