|
UNE BLAGUE, "L'HOMME GAZZEUSE"
Mo ena enn groupe de 6 bon zamis et nou tou ferme, cote nou aller nou toujour ensemble,
Parmi nou ena enn mam ki fine gagne la geure ek grain sec, grospois ek dalpouri so pire enemi ca. li ena enn gro problem avec gaz intestinal ki en creole nou dire ca Pété, telma li largue gaz mone batise li Bombone. Mais Bombone avec so problem antisocial la C enn plus pou nou ca, kand nou alle cinema ensamme et si tou place rempli, nou avoy li lor enn mission. Nou faire li alle debout cote nou envi assiser et après 2 minutes tou dimoun levé et tou place vine libre pou nou. So pété la mortel ca, kand li alle dans drainage tou banne mouches sové, si ena enn ki declare vainkeur, li faire Ziiiiiiiiiiiiiiiiiiiiz et li tom sec après 2 seconde.
Bombone zoine enn ti mamzel, li avoy so lette demane et li commence frékanté, mais jamais li fine laisse so copine ou so belfami cone so problem. Toul temp li faire la p’tite pete et li marche derriere bien séré pou évite evacuation. Si enn gaz manifester pendant ki li pé frekanté, li toujour trouve enn excuse pou alle dehor pou alle debarasse li. Enn jour Bobone marrié, li faire so lune de miel dans enn campment la Saline cote ena lodeur souffe ek yod pou masker so trace.
Aprè deux semaines li retourne travail, coma travail fini 5 heure, so loto(2 Chevo) cassé, li ammene li cote mekaniciens pou reparer. Li telephone so jeune tifam pou dire li ki li pou rente inpé en retard cose loto cote mekanicien, so fam dire li “Na pa tardé chouchou, cose mo fine faire enn ti surprise pou toi.” Li demane so fam ki ca surprise la, fam la dire li “ Cheri, si mo dire toi, li pa pou enn surprise, pa tardé et vine vite.” Enfin Bobone deboute en dehor garage cote li capave larg so gaz, mekanicien la dire li ki reparation la pou prend O moin 2 heurede temp pou reparer. Bobone marche marcher et li trouve enn restorant, li rentré pou boire enn ver delo tamarin cose li na pa capave boire boisson gazzeuse. Li trouve cari gropois ek tripe, Harico blanc et chourisso, cari dall ek baton mouroum enfin tou grain sec. Li dire “Bobone , sort toi de la, ces plats sont tuant.” Li ale deboute dehor li attane, mais la fain pince li cose banne plats la attirant.
Li prend enn courage, li rerente endans et li prend enn plat cari gros pois ek tripe. Lom ine alle faire so maleure, 15 minutes plitard, gros pois la commence fermenté dans so vente et li commence senti li lègé ek sa bane gaz la. Li gette 2 coté li pa trouve persone, li larg enn gaz ca, coma dire li pé dechire enn vier dra, zote cone ca son la non? Na pa faire semblan la ein!!! C la nature ca. Enn lote gaz reformé, li commence senti li pé prend l’air, li boss enn colone pou li pa envoler. En meme temp en madam vini ek so lichien et lichien la envi faire tiss. Li leve so 2 ti la patte ek colone et Bobone na pa oulé larg colone la. Madam la dire li “ki faire ou pé tini ca colone la comca?” Bobone dire li “Mo travaille pou CEB et nou fek plante ca colone la ce matin, alors mo besoin tini li jiska li assise solid. Madam la allé et Bobone larg enn deriere lote coma dire petard.
Mekanicien la crié li pou dire li ki so loto fine paré, li paye mekanicien la et li rente dans so loto pou alle la caze, et dans loto li pé larg gaz 1 après lote. La police arrette li pou excé de vitesse, la police la tappe so vite pou demane li si li pé conduire sou l’influence de lalcol, li dire non. La police la mette so la tete anedans loto Bobone pou getter si li senti lalcole, li dire “Pouuuuuuuuuuuuuuuuuuuuuu, ki sa lodere la? Aller dessane.” Bobone dessane, li marche lor boute lipied et so derriere séré pou alle cose are la police la. Li dire la police la ki pé faire frais si li capave assise dans loto la police la. Gablou la dire li “ Non, na pa vine enbombe nou loto, rente dans ou loto trankil, conduire doucement et alle ou la caze, parceki mo trouver ki ou près pou tata dans ou calson.” Enfin, li rente dans so loto pou alle la caze.
Comment li arrive la caze, so fam acceuillire li devant la porte, li demane so fam cote surprise la, so fam dire li attane. Fam la bande so lizier avec enn bando et amene li endans, juste coma zote pé rentre andans, telephone sonné, so fam ammene li dans la sale à manger ek so lizier bandé et dire li “Cheri, mone envi faire toi enn ti surprise, rest deboute la meme et promette moi ki to pa pou louké kand mo pé alle reponne ca telephone la,” Bobone dire li “pa tracasser mon amour, mo promette toi ki mo pa pou louker.” Fam la alle repone telephone la, ici Bobone pe deboute dans enn coin et enn mari gaz prend li, li larg li ca, coma dire petard pou reveillon a moris, coma li fini, li sacouille so 2 la goule calson et li dire “Gramerci ki na pena persone la.”
Ti mama pli tard so fam vini, demane li si li pa fine louké, Bobone dire li “Non chouchou mo pa fine envi gate to surprise.” So fam dire correct, enleve so bando et 8 dimoune pé assisé trankil à table pou enn diner surprise pou li. Come de mofine, mo ti pé assise près cote li ti pé debouté.
Moi mo croire ki li ti capave gagne enn job dans Gas Board ca.
Rocco
|