Radio Moris Sega Music Mauritius Ile Maurice - Afficher un message - Décès de Ras Ti Lang
Afficher un message
  #28 (permalink)  
Vieux 02/08/2004, 19h19
Avatar de NetRunner
NetRunner NetRunner est déconnecté
Foreman
 
Date d'inscription: octobre 2003
Localisation: Belgium
Messages: 368
Aine ti Zistoire vrai !

Laisse mo raconte zotte aine zistoire qui tout à fait vrai qui fine passé il y a environ 15 ans aster. Voleur apé sévi régulièrement dans aine quartier classe moyenne (nouveau morcellement). Tout les dé trois jours aina aine vol avec effraction toujours dan même morcellement. Comité quartier comans fer tapaz ek avec lapresse mette pression lors ban local "CID men" akoz pas apé gagne résultats l'enquète piétiné. La nuit lizour CID faire "special squad" patrol tout l'endroit mais voleurs la kontinié opéré. Aine coup lors renseignements ban "habitual criminals" dan quartier, CID local gagne aine nom ek attrappe aine "usual" voleur, ek gagne li en possession aine l'objet provenir de ça ban vols là. Voleur nier ek dire qui li fine ramasse ça dan terrain vague, pas ti koné l'article volé. CID arret li ek li fermé dan station pou l'enquête, l'enquêteur fer li peur deux claques (vrai même) ek crier lor li pou fer li kosé. Li pas oulé kosé ek diman so avocat. Aine avocat bien connu réprésente li ek demande voleur la fer aine déposition contre CID là pour "Blows ek abuse of authority". Ok après fine oblizé relache voleur la pas fine gagne aveux. Dé trois mois plis tard dan même région kot voleur apé sévir là aussi ça mem avocat habite aussi dan mem l'endroit. Voleur passe kot li ek coquin plusieurs choses. L'enquète piétiné plisieurs mois pas narien. Avocat la vine station souvent demande position. Aine jour CID Man la dire li " Ou coné mo fine gagne renseignement qui çanelà ça ek dimoun fine dire qui fine trouve li apé rode vend l'article coquin cotte avocat là, mais fine questionne li ek li na pas oulé dire ni avouer. Avocat la dire CID Man la "Fer li kosé do bizin secoué li inpé pou fer li per ek alors li pou kosé." CID Man la (qui aster fine vine aine grand chef dans la polis) répond avocat là" Mais missié mo pas éna droit brutalise li, li ava fer déclaration contre moi, mo aina femme ek zenfant pou nourri moi." Avocat la pas fine content réaction CID Man la ek li dire qui li pou alle guette divan kose avec quitte grand chef. Mais vol fine jamais élucider ek fine classé non abouti. Nous tout aina faiblesse mais quand dan nous l'avantaz tout moyens li bon. Zotte capav dire moi combien Policiers zot koné fine blessé ou mem fine mort pendant essaye attrap bandits dans zaffair ladrogue ek autres bandits dangeureux. Mo rappel qui aine fois dan plaisance Sylvio Cotoyer fine bizin intervenir pou protez aine jeune ti garde qui tout seul gagne problèmes avec bandits lors lafoire. Alors si ça garde la pas ti droite dan so souliers Sylvio Cotoyer na pas ti pou tire li dan bez mo pou dire ou...
Mo apé raconte zot zaffaire réel croire moi. Qui zot pensé nous bizin ou non des fois donne bénéfice du doute ?